Phaisa kawl hi phaisa hman cak tukmi hna caah cun thil fawi lo tak a si.Cheukhat nih cun phaisa kawl tikah i khawlding khi kan ruat lem lo i kan philh theu tawn.Asinain a caan caan ah cun kan thil duh mi cawk nak ding caah phaisa i khon timi cu kan rak hmang ve thiamthiam Curuangah phaisa khon thiam lomi hna caah tha tein phaisa kan i khon khawhnak ding caah le phaisa semrel tein kan hman khawhnak ding caah a thlangleiah rak langhter a si.

1.A changchang tein phaisa i khon: Hi nih a chim duhmi le a fianter duhmi cu phaisa na hmuh mi cu thla khat,kum khat si lole zarhkhat tiin na hmuh mi phaisa kha khon i zuam.Tahchunhnak ah zarhkhat ah 100 na khon khawh a siah cun a zarhhnihnak ah 200,zarh thumnak ah 300 tibantukin karhter i zuam.Mah hi kan timi si lo zongin nangmah nih phaisa na hmuhmi ning zulh in na siamremh khawhmi a si ko.

Abiapi mi cu zarhkhat ah na khon khawhlo hmanhah thlakhat chungah cun i khon hrim i zuam.2.Na hmuhchiahmi chung hrim in khon khawh i zuam:Hi daan hi a fawi temi a si ko.Thil pakhat khat na cawk tikah na cawk chiar tein khon i zuam. Tahchunh nak ah na thil cawkmi zat cheuhra ah cheukhat tal kha khon i zuam.

Tahchunhnak ah 15000 man thil na cawk asi ahcun 1500 kha phaisa khonnak bawm chungah chiah i zuam colh .Cuticun na thil cawk mi zulhning zongin phaisa khon na thiam lai i,ken ret tein um na thiam tinak a si lai.3.Mah le mah daan i tatnak in phaisa khon Ning: Hi daan cu nangmah le nangmah daan nai tatnak a si.Tahchunnak ah zing nazi 6 ah tho dingin naitim i na tho kho than lo.

Khi bantuk caan ah khin nangmah le nangmah daan dat bantukin na phaisa khonnak ah a rem na ti zatin chiah i zuam.Zarhpi ni chunah nai khawmh lo a siah cun daantatnak ah phaisa khon i zuam.Cu bantukin na tuah a siah cun nangmah hrim na thang cho lai i na theih loin phaisa zeimawzat zong na rak i khon khawh lai .