Nupi le fale kal tak in ramdang ah riantuan ruah ah kal cu chungkhar i pa bik caah cun thil har ngai a si .hi nak hin a har deuh rih mi cu kal tak mi nupi ngai in inn lei ah hung tlun i nupi le ruak tu hmuh cu vawlei cung ah a fak bik a si ko lai .Road Garcia nih cun cancer zawtnak a ngeimi a nupi nih a liam taak ning cu ngeihchia ngai in Social Media lei ah a pho chuak .Rhod hi Philipine lei mi a si i Saudi Arabia lei ah a nupi le a fale cu a kal tak hna .

Rhod nih hin Saudi Arabia lei a kal lai te i a nupi a kuah lio video le hmanthlak pawl zong a post chih .Rhod nih hin a nupi a kuh lio ah hin a dongh nak a si lai ti mi ruahnak hrim a rak ngei ve lai lo . a si nain zeitik hmanh ah a nupi cu dam in a kup kho than ti lai lo ti cu chim hau lo a si cang .Rhod hi Philipine lei ah a rak kir than ah hin a nupi ruak cu vui dingin ruak kuang chung ah an khumh i tlanmual lei ah an kal pi lai a si cang .

a nupi ruak an zawnh i an kalpi thluamah lio ah cun inn cu a hung phan ve i a fale pahnih he an mitthla he a nupi cu an siang lo tuk nain thloh awk tha ti lo in an mit hmuh ah a nupi cu a liam thluamah .hi lio can ah cun an caah cun vawlei hi muih nak nih a khuh dih ti awk in a har ko lai .hi video nih hin mi tampi mitthli a thlak hna i ramdang ah rian tuan ruah ah nupi le fale kal tak a har zia zong a langhter tu video a si fawn .

a fale pahnih he chungkhar nu bik i tel ti lo in hi vawlei can van hman lai cu lung a leng hringhran ko lai . an mah a hnemtu hna nih comment ah tampi ca an rak tial ve .minung hi zeitik ah dah kan dawtmi nih a kan kal tak lai i chungkhar kan i then lai ti hi a hohmanh nih kan chim kho cio lo . kan damchung te ah lung diriam tein rak i dawt tu hi kan ti khawh bik mi thiltha bik a rak si ko . i then hnu i thinlung fah nak a tlawm deuh nak hnga damchung te ah i daw cio ko hna u sih .