Na lung adongh tuk caan ah cun KFC a ngeitu pa kong hi van ruat ve law thazang thar nai lak thna ve ko lai. Anih hi kum 5 si ah hringtu a pa nih a thihtak i kum 16 a si ah sianginn in a chuak i kum 17 a si ah rian a tuannak in hmun 4 ah thawl a tong .Kum 18 a tlin ah nupi a thi i kum 18 in kum 22 tiang tlanglawng lam ah rian atuan i a rian in thawl a tong than thiamthiam.Law lei kong cawng dingin siangin pakhat ah a sawk i a ngah lo hnu ah company pakhat ah rian a lut than nain cu company zong cun thawl a tong than thiamthiam.

Kum 19 a hung tling i fa pakhat te a hung ngei ve i ai lawm tuk nain kum 20 a tlin ah a nupi nih a fa ai cawi i a pasal cu a kal tak diam than i amah pi lawng pahmei dirhmun in a dir than.Cuticun a lungdong tuk i restaurant pakhat ah khengtawl rian a va tuan . A fanu te cu amah sin um dingin a nupi sin ah a nawl nain a hlawh tling hlei lo.Ahnu ah a nupi cu biakamnak a ser hnu ah a lemsawi khawh than i inn ah a lawipi khawh than hna. A hnu ah cun ralkap ah a lut i a nunning cu harsa taktak in can a hmang.Ralkap cu a tuan lengmang i kum 65 a tlin ah pension a ngah i ai din.

Pension a lak ni ah hin cozah lei in $105 te lawng an pek.Cu phaisa te cu a zoh i cozah cung ah a ngeihchia a lungfak taktak.A nunnak zoh tik ah lungdonghnak lawngte atong i acaan ah cun amah le mah ai ruat i vawleicung ah nun huam tiloin ithah duhnak thinlung tiang aput caan a tampi. Nikhat cu thingkung tang ah a thu i a lungdongh tuk caah amah le mah i that dingin biakhiahnak a tuah i a sining kong a thar in a van ruat than. A nunnak ah a hlawhtlinmi pakhat tal a um maw tiah a van ruat i pakhat te hmanh hlawhtlinnak a hmuh velo nak lawng ai hmu than.

Asinain a donghnak ah a thiammi pakhat te kha a van i thei.Cu cu zeidah a si tiah cun arsa kio a thiammi te a si.Cuticun midang sin ah $87 a cawi arsa le a herhmi dang tete a cawk hna i arsa a kio mi te cu Kentucky khua ah a ummi inn pakhat hnu pakhat ah a va lut i a va zuar hna. Cuticun minih a arsa kio mi te cu an van theih thluahmah i kum 88 a tln ah cun vawleicung minthang mirum billionare ah ai chuah kho.

Cupa cu Kentucky Fried Chicken (KFC) ngeitu ralkap pension ‘Sanders’ Kum 88 hi a si.Hikong he pehtlai in careltu nih thazang kan i lak dingmi cu zeithil hmanh hi a tlai tuk cang tiah lungdongh ding a rak um lemlo.A biapimi cu thinlungput hi a si i zeitik hmanhah lungdongh duhlo in tuah peng ah cun hlawhtlin nak cu amah te ina rak ra ti hi kan zumh a herh.Mi hlawhtling na si nak ding ah Pathian nih pakhat khat cu nangmah ah khan a chiah ve ko ti kha zum law cuticun thinlung put adikmi ngei law na hlawh a tling ve hrim ko lai.