Mocha Thlichia A Tha A Ṭhawng Chin Lengmang, Super Cyclonic Storm Mocha Ah Aa Thleng I Suimilam Pakhat Ah Meng 161 Ṭhawng In A Hrang
II May 14, 2023
Rakhine lei hoih in a hrang cuahmah mi Mocha thlichia cu a tha a ṭhawng chin lengmang i Super Cyclonic Storm Mocha ah aa thleng tiah theih a si. Suimilam pakhat ah meng 100-150 tiang a hrang kho tiah an ruahdamh mi cu atu hi suimilam pakhat ah meng 161 ṭhawngin a hrang tiah Khit Thit Media nih cun a ṭial.
Thlichia phun ṭhenmi ah Category 4 a sinain atu cu Category 5 a phan cang tiah Joint Typhoon Warning Center nih an thanh.
Hmanthlak: Sittwe khuapi hmun pakhat (May 14)