A Herh Taktak Mi Thawngthanhnak : Hakha Ummi Hna I Ralrin Ding

Hakha Ummi Hna I Ralrin Ding

May 23, tuzan thok in SAC nih Hakha ah khualtlung cazin an chek lai ti a si!
Tuzan thok in an duh tik paoh ah an chek lai! Motor Cycle le motor licence siseh driving licence zong siseh an chek lengmang lai tiah Hakha um pakhat nih The Chin Post ah a chim.

Relchap>>>>>SAC ralhrang nih uknak lak hnu kum hnih le thlali chung ah raltuknak vanlawng voi 1427 an hman i cuchung ah mipi minung 630 leng an thi tiah Nyan Lynn Thit Analytica nih May 22 ah an langh ter.

Raltuknak vanlawng voi 1,420 a hman mi hi uknak a lak hnu in 2023 April thla tiang ni 850 chung ah a cang mi a si.
Raltuknak vanlawng a hman tambik nak hmun hi Karen ramkulh Maywaddy peng chungah a si i voi 164 , Demoso pengah voi 109 le Hpa-pon peng ah voi 57 an hman. A si nain Vanlawng bomb thlak hnawhnak in a thimi tambik cu Sagaing ramthen ah a si i mipi minung 188 an thi tiah a langh ter.

Kum hnih le thlali chungah SAC raltuknak vanlawng Bomb thlakhnawh nak in mipi a thi mi dih lak minung 634 an si. 2023 kum thla 4 chung lawngah raltuknak vanlawng voi 454 a hman i cuchung ah mipi minung 292 an thi.

Vanlawng a hman deuhnak hna hi Kachin, Kareni, Kaya, Chin, Sagaing, Magway le Shan ramkulh chung ah an si. A luan cia kum 2 nak in 2023 kum thlali chungah raltuknak vanlawng Bomb a hman mi a tam deuh tiah an langh ter chih.Crd..Bungpi Post News.Com