CYLA Hruaitu Hna Myanmar Ramchung Ah Lut In Pu B. Lalṭhafamkima Motor An Hmuh! March 22 ah India-Myanmar ramri i a thi mi Pu B Lalṭhafamkima le Siaha khua mi pahnih Pi Biaksui le Pu Bablu hna thihnak he pehtlai in Central Young Lai Association(CYLA) hruaitu hna cu Myanmar ramchung ah lut in Chin ralkap le tualchung mi hna pehtlaihnak an va tuah hna.

CYLA hna hi an president, Pu HC Vanlalruatpuia telin YLA chungtel 12 hna cu Myanmar ramchung ah an lut i, a liamcia thla ah biakhiahnak an rak tuah mi pehzul in lainawngtu kawlchuah le mizoram mizapi himnak an duh kong le ralzam hna cu dawtnak he an rak zohkhenh hna lio ah Myanmar leiin thahnawnnak he lehrulhcham an si tikah a ruahzia an thiamlo nak kong Chin ralkap an chimh hna.

Chin ralkap lei zong nih lainawngtu cu an si khawh chung in an rak kawl ve lio kong le nunnak a liam mi hna an tuarhpinak kong an rak chimh ve hna.

Nizan i Myanmar ram ah a lutmi CYLA hruaitu hna nih cun CDF-Zophei le Ngalang khuami hna bawmhnak in Pu B. Lalṭhafamkima motor(MZ 03-9720 Sazuki Super Carry) cu India lei in Ngalang khua phak hlan Km 7 hrawng, lam thlanglei ft’ 130 hrawng ah an hmuh. Motor hi chuah colh ding in an i zuam nain ruah tam ngai a sur ruangah an chuah kho lo i, thaizing lei ah Buaipui Sub-HQ YLA le Niawhtlang YLA hna he i bawm in motor chuah ding in an chuak lai, tiah theih a si.

Thantlang peng Bungkhua mi Pu Sang Lian meithal in a kaptu hi a min cu Htet Myat Aung a si! April 18, 2022 ah khan Falam SAC ralkap khah-lah-yiah 268 in CNDF sinah meithal le kuanfang he CDM a rak tuahmi a si i CNDF nih tangka zong an rak pek. CNDF sin in meithal he a rak zam i an tlaih than.

Amah hi misual taktak a si caah CNDF nih thah dingin biakhiahnak an tuah i thong ah an khumh Asinain an thah hlan ah CDM ralkap dang he November, 2022 ah an zam than i Thantlang CDF nih an dihlak in an tlaih hna.

Tutan hi a z𝗮𝗺 than khawh caah Pu Sang Lian nunnak tiang a lak hi a si! A sualnak he aa tlak ningin dantatnak an pek ko lai. Theihternak: Kan tialmi ah kan palhmi a um ahcun lungthiang tein kan chim te ulaw! Hmanthlak: Htet Myat Aung (CDM a hlan le CDM a tuah lio). Crd: the chin post