| 2023 April

Chin ramkulh, Mindat peng Panpa khua ah Jet Fighter 2 in bomb a thlatu pilot(vanlawng khaltu) hna le bomb thlak ding in khua a khangtu hna a tlai khotu paoh cu kyats sing 500 man hmunram kan in pek hna lai, tiah CDF Mindat nih April 19 ah cathanh an chuah.

Fighter khaltu Major Nay Win Kyaw le Major Thet Lin Maung hna cu Yak Operation Tada U, Naypyidaw, Hmawbi-3 hmun ah hruaitu a simi Deputy Colonel Ye Zaw Naing a kuttang ah rian a ṭuanmi an si, tiah theih a si.

Mindat peng khuate ah timh ciammam tein bomb a thlatu SAC ralbawi Ye Zaw Naing, Pilot pahnih le a dang bawmtu vialte a tlai khotu le dan a tat khotu paoh cu kyats sing 500 man hmunram kan in pek hna lai, tiah an langhter.

Mindat peng Panpa khua cu a luancia April 16, zanlei suimilam 4:00 tluk ah Fighter 2 nih bomb lung 17 in an thlak caah tualchung mi 3 an nunnak a liam i, 7 hliamhma an pu. Cu pin ah inn 2 a kang i, inn 9 a rawk, tiah theih a si.