| 2023 April 20

Karenni ramkulh, Demosoe peng ah riahcaw chantu SAC ralkap leilawng kan kah caah ralkap 8 an thi i, 1 kan tlaih, tiah Karenni ral lei kong tawlreltu phu in ṭuanvo ngeitu pakhat nih a chim.

April 19, zanlei suimilam 1:00 hrawng ah Bawlakhe peng um SAC ralkap Khah Lah Yah 80 in ralkap 30 hrawng cu, Deomsoe peng ah riahcaw chanh ding in an kal lioah KA, KNDF Battalion-21 nih Dawngehku khua pawng ah an kah hna i SAC ralkap 8 an thi,

“A voikhatnak cu Demosoe peng Bawlahke ramri ah bomb in kan

puahhnawh hna. SAC ralkap lei cu an tam tuk ti lo, Battalion Commander nih a hruaimi hna hi 30 tluk an si lai.

Deputy Commander nih a hruaimi hna hi 20 hrawng an si. Voi dang bang in ralkap 70-80 tluk in rallam an sial kho ti lo,” tiah Karenni ral lei kong tawlreltu phu in ṭuanvo ngeitu pakhat nih a chim.

April 16 in 18 tiang Demosoe peng nichuahlei kahdohnak ah SAC ralkap 30 leng an rak thi i, KA ralkap pakhat a nunnak a liam ve. Cu kahdohnak ah SAC ralkap 60mm zun khat, RPG zun khat telh in meithal zun 13, phone le thilri tampi an rak laakpiak hna, tiah theih a si.