e U Peng Kahdohnak Ah SAC Ralkap Kut In mipi ralkap Pah Kah Phah Ralkap 5 An Nunnak Liam The Chin Post  2023 March 6 Sagaing ramṭhen Ye U peng Hpalankone khua cu March ni 4 zing suimilam 4 AM hrawng ah SAC ralkap nih an luhhnawh i an kah caah Pah Kah Phah ralkap 5 an nunnak a liam tiah Peoples Defence Comrade nih cathanh an chuah Ye U khua in meng 2 tluk

aa hlatnak Ye U Tamartaw le Kanhtuma leilawng lamkam um inn 200 tluk a umnak Hpalankone khua cu Khah Mah Yah 363 le Khah Lah Yah 701 ralkap 70 leng nih an luhhnawh tiah theih a si Hpalankone khua cu SAC ralkap nih zanṭim ah an luhhnawh i an kah caah sentari congtu Pah Kah Phah ralkap 5 an nunnak a liam SAC ralkap an chuah hnu in an ruak kan vui hna tiah Peoples Defence Comrade in

ralkap pakhat nih a chim A nunnak a liammi hna hi kum 23 tluk 1 le kum 19 tluk 4 an si i kutser meithal zun 3 bomb le zenkuan cheukhat zong chuh an tong tiah a chim chap Ye U peng chaklei Hpalankone Pankone Boyung le khuate 3 in khuami 3000 leng cu ralhrial in an zaam caah eidin kongkau ah harnak an tong ngaingai tiah theih a si Hpalankone khua a kaptu ralkap pawl hi a luancia February thla lioah Khin U peng chung um khuate a rak khangtu an si tiah theih a si

Mindat Ah Bomb Puahkehnak In Khualtlawng Mi 2 Fliamhma Fak An Tuar The Chin Post 2023 March 5 Chin ramkulh February zarh thumnak lioah Mindat peng le Htilin peng aa tonnak lam pakhat ah bomb puahkehnak a chuah caah pa 2 nih hliamhma fak an tuar tiah hliamhma tuartu hna he naihniam in a ummi pakhat nih a chim A luancia ni 10 hrawng ah khan Htilin ah rianherh in an kal lio lampi ah

bomb puahnak a chuah hi a si an kutke an hmai an i hliam caah an hliamhma cu a fak ngai tiah a chim Atu bantukin bomb puahsual ruang ah hliamhma fak tuarmi Mindat khuachung ummi pa pahnih kong he pehtlai in CDF Mindat in ṭuanvo ngeitu hna cu pehtlaih ding in kan i zuam nain phone line a ṭhatlo caah pehtlaihnak tuah khawh an si lo.