Zu cu pa ca lawng si lo innu ca zong ah mual a pho ter tu a si . zu rit tik ah zeihmanh i theih lo a fawi . fim hnu ah i chir len zong ah a hlei in nu caah cun san a tlai ti lo . hi video tawite nih hin fimnak zeimaw zat an pek lai kan ruahchan .Nungak pakhat cu Nanyang City ah dawr pakhat a si mi Good Cafe ti mi dawr chung ah cun a zurit bu in a thu . a mithmai zoh tik ah  lung rawh nak pakhat khat ngei seh law cu a lung rawh nak ruang ah cun ka thinlung tal a dam deuh hnga maw tiah zu va ding ve seh law a lo .

Cu ti i zu ri ngai in dawr chung ah a thut lio cu a pawng i a thu ve mi tlangval pa nih a rak hmuh ziar ai .mi tha cu siseh law hi pa nih hin nungak nu mah le mah hngal lem lo in zu a ri i a thu ko mi cu a bomh tu in a bomh hnga . a sinain bomh lei si lo in
nungak nu cu a hnu in a zulh i a thli tein a ngiat ziar .nungak nu cu zu a rit tuk tik ah a kal kho ti lo i lamkam ah a tlu i cu ka ah cun mah hngal lo in aa hngilh colh . a hnu in a thli tein nungak nu a rak zul tu tlangval pa nih cun a pawng ah a va kal hnawh i nungak a pawngbi a phoih i a bawngbi chung ah a kut a khumh i thil dawh lo ngai a tuah .

Cu ti an um lio cu an pawngkam in pa pakhat nih a hmuh hna tik ah a lung a tha lo i police a ran nak in a call colh hna . cu hnu ah a phone in video a record i social media ah a post . hi video a hmutu mipi cu an thinhung taktak . Police nih cun tlangval pa cu an tleih i nu cung ah dawh lo ngai in a cawlcangh ruang ah thla 3 chung thong an thlak i , nungak nu zong khua lak ah dawh cah lo in a um caah  phaisa an cawiter i hmailei ah hi bantuk in um ti lo dingin min an thut ter .

News kan rel mi nih hin kan caah fimnak pakhat khat tal kan pe kho seh law a tha tuk hnga . voikhat kan mual a pho tikah nu ca lebang ah cun nun chung mualpho tluk a si cang  cu caah cun zeitik can poah ah i ralring law nangmah lawng si lo in leng na chuah can zong ah hawikom pakhat khat he i zulh khawh i zuam zungzal . cu ti cun na nun nak siseh na mualpho ding siseh na him deuh lai .