Farkawn Khuachung Ah Ralzaam Ngakchia Ca Sianginn An Onpiak Hna The Chin Post 2023 March 14 Mizoram ramkulh Farkawn khuachung ah ralzaam ngakchia nih ca an cawn khawhnak hnga nizan March ni 13 ah sianginn an onpiak hna i cacawn an thawk tiah theih a si Farkawn khua ah ralzaam in a ummi ngakchia nih fimcawnnak lei ah kar an hlan khawhnak hnga ca ah tiin
Ralzaam Committee nih tawlrel in sianginn an on hi a si i Laica le Kawl ca hi papek in an cawng lai tiah theih a si Siangngakchia hi 100 reng lo an si i siangngakchia zawnruahnak he aa pumpe khomi CDM Saya Sayamah 3 nih ca an chimh hna Siangngakchia hi 100 reng lo an si caah siangcachim 3 zong hi an i deih lo ngaingai mi tam deuh van laak ding ti zong ah
ralzaam dirhmun cun kan vunhawng nih a zo hrimhrim lo thlahlawh zong hi Chicago Chin Baptist Church nih thla khat voi khat a kan bawmhmi Rs 6000 chung in ṭhenphawt an hau te lai hi bawmhnak bochan deuh in atu bantukin cawnnak kan thawk hi a si tiah Ralzaam Committe in ṭuanvo ngeitu pakhat nih The Chin Post ah a chim Farkawn khua
fimcawnnak zung nih siang ngaiin an siangsangrun sianginn an kan hlanhmi cung zong ah kan i lawm atu cu caan karlak an i dinh lio a si caah zei can tiang dah an kan hlanh khawh te hnga ti cu fiang in theih a si rih lo tiah a chim chap
Atang lei ahhin Video a um lai rak zoh ve a chim mi cu tawite in an leh a chimmi cu CNA CNF cu Chinland huap a si i CDF Zanniatram ticu local lawng a si Zanniat ram cu Zanniat pawl nih kilveng lo sihlaw aho dah a tuan lai Zanniat techinfa nih kan ram kilven ding tuanvo nganpi kan nei leicung hmunkip ih um Zanniat dihlak hna I tuanvo a si Cun CDF Zanniatram ti ruangah Zanniat ram lawng ah ral kan do lai tinak a si lo a si a herh ahcun Paletwa zong ah kan doh lai zeiruang ti ahcun Chinland cu kan ram a si Experience nei kum upa pawl nih
advice tha tha a kan pek lai I kannih mino hna nih kan tei hlan lo ralhrang hi kan doh a herh tiah a chim cun Avoikhatnak Zaniatram Conference an tuah I cu ahcun cathanh an chuah cu an chuahmi ca cu a tanglei bantukin a si kanmah Zanniat hrinphun cu a dang le zalong tein hmunram pakhat ah midang Chin hrinphun hna he daw le rem tein khua a sa tti mi hrinphun kan si bantukin hmailei a ra lai dingmi zong ah Chin miphun dihlak hna he daw le rem tein khuasak tti ding kan I timhtuah Cucaah atanglei catlang hna hei ruang in hmailei Chinland Cozah dirh khawh nakding cu
hmai ah chia in hi thawngthanhnak hi kan van langhter pakhatnak ah Hramhram uknak a dih dongh tiang Chin miphun dihlak he hmunkhat ah ral kan doh lai Pahnihnak ah Chin miphun dihlak lungrualnak cu a pakhatnak ah tawlrel ding Apathumak Federal ramkomh le hmailei Chinland ram thar cu kalpi in Zalonnak le tlukruannak le remdaihnak caah pehzulh in kan dir lai ral kan doh lai tiah tuchun CDF Zanniatram kan dirhnak kumkhata tlinnak ni ah le Conference a hung kaimi hna Ralkap hna nih hmunkhat ah hnatlak tti mi a si tiah thawng kan thanh.