Karenni Ramkulh Ah Riahcaw Chantu Le Yesagyo Ah Umhmun Khuarmi SAC Ralkap Kah An Ton Caah 5 An Thi The Chin Post 2023 March 18 Zarhteni Sagaing ramṭhen Kani le Alaykyun khua kar ah riahcaw chantu SAC ralkap le pyusawhti kah an ton caah 3 an thi tiah KLG Brigade in ṭuanvo ngeitu pakhat nih a chim March ni 18 zing suimilam 8 AM hrawng ah Kani khua in
Alaykyun khua ah riahcaw chanh ding in a kalmi SAC ralkap 70 hrawng cu PDF nih lamhruang minutes 30 hrawng an kah hna caah SAC ralkap le pyusawhti 3 nak tlawm lo an thi tiah theih a si Cu kahdohnak ah Kyauklonegyi KLG Brigade le Battalion 1 le 2 cun DRPA le Daung le Local PDF hna i bawm in an kah hna tiah theih a si Cu ṭhiamṭhiam in Magway ramṭhen Yesagyo khua ah umhmunn a khuarmi Khah Lay Yah 256 Battalion le 258 Battalion cu March 17 ah Yesagyo Pah Kah Phah le ṭangṭi phu hna nih drone in bomb lung 8 kan thlakhnawh hna caah
SAC ralkap 2 an thi i tam ngai hliamhma an pu tiah Yesagyo Pah Kah Phah nih an chim Cu kahdohnak ah Yesagyo Pah Kah Phah le ṭangṭi phu a simi Urban Underground Revolution Force YSO Myingyan no 1 Battalion 27 Revolution Force le Myingyan District Drone Strike le Myingyan No 3 Battaion le Myingyan pengkomh No 4 Battalion le Daung Dweni Guerrilla YSO hna i bawm in an kah hna tiah theih a si.crd: Myanmar News>>>>.
International Criminal Court Nih Russia President Putin Cu Tlaih Ding In Vawleipi Theih In Thanhnak An Tuah The Chin Post 2023 March 18 International Criminal Court ICC nih Russia President Putin cu sualnak ṭha lo a tuah caah tlaih ding in cathanh an chuah tiah theih a si March 17 ah ICC nih cathanh an chuahmi ah Russia nih a laakmi Ukraine ram in Russia ah phungninglo in ngakchia ṭhawlnak le ṭhialkamnak a tuah hna caah Putin cu lunghrinhnak an ngeih caah atu bantukin tlaih ding warrant an chuah hi a si Russia ram nuhrin covo lei ṭuanvo ngeitu
Maria Alekseevna Lvova le Belova zong ICC nih tlaih ding warrant an chuah ve tiah theih a si Russia nih 2022 February thla in Ukraine ram cu a tuk i rammi hna zong thahnawnnak a tuah hna Cu pin ah UN hlathlaitu nih Russia nih Ukraine ram ah upadi he aa kalh in sualnak a tuah tiin cathanh an chuah hnu nikhatnak ah ICC nih Putin tlaih ding in ca an chuah hi a si tiah theih a si A luancia 2022 September 5 lioah Russia President Putin le Min Aung Hlaing tonnak an rak ngei i Putin cu Min Aung Hlaing nih vawleipi hruaitu tiah a rak conglawmh