Tandaungkyi Kahdohnak Ah SAC Ralkap 8 An Thi The Chin Post  2023 March 7 Karen ramkulh Tandaungkyi peng ah rallam sialtu SAC ralkap hna cu kahdoh an ton caah khahlahyiah 604 in ṭatyinhmu Hein Zan Htun telh in SAC ralkap 8 an thi tiah People Defense Forces Thandaung nih cathanh a chuah March ni 2 zinglei suimilam 8 AM ah Botaekone khua pawng ah

rallam sialtu SAC ralkap hna cu People Defense Forces Thandaung nih an kahdoh hna caah 2 an thi SAC ralkap hna nih cun tualchung mi hna thirleng 5 an khanghpiak hna Cu i kahdohnak chung ah cun tualchung hriamtlai phu lei in ralkap pakhat nih hliamhma a tuar tiah theih a si Cun March 4 zinglei suimilam 11 le 40AM ah SAC ralkap hna cu sniper in kahdoh an ton ṭhan caah

khahlahyiah 604 in ṭatyinhmu Hein Zan Htun cu sniper kahnak in a thi Chunhnu suimilam 1 PM ah kaphnih kar kahdohnak a chuah ṭhan caah SAC ralkap lei in 5 an thi bo thum rank ngei pakhat nih hliamhma fak a tuar tiah theih a si March ni 2 le 4 a cangmi kahdohnak ah khahlahyiah 604 in ṭatyinhmu Hein Zan Htun telh in SAC ralkap 8 an thi bo thum rank ngei pakhat nih hliamhma fak a tuar tiah theih a si.crd: WL