Yesagyo Peng Kahdohnak Ah SAC Ralkap 8 An Thi The Chin Post 2023 March 16 Magway ramṭhen Yesagyo peng Ma Au palik sakhan pawng ah SAC ralkap nih an zulhmi leilawng pakhat cu tualchung hriamtlai phu nih an kah caah SAC ralkap 8 an thi tiah Yesagyo pahkahphah in ṭuanvo ngeitu pakhat nih a chim March ni 15 zanlei suimilam 3 PM hrawng ah Yesagyo peng Sinphyu hleidonh um
SAC ralkap 70 hrawng le leilawng pakhat a zulmi ralkap hna cu catlap herhhai i phurh in an kal lio Yesagyo le Chaung U lampi le tlanglawng lam kar ah tualchung hriamtlai phu nih an kahdoh hna caah SAC ralkap 8 an thi hliamhma tuar an tam tiah theih a si An herhhai thilri a phurtu leilawng hmai ah a kalmi ke ralkap 70 hrawng cu kan kah hna hnu ah kaphnih kar suimilam cheu tluk kahdohnak a chuak Kaphnih kar hriamngan hmang in
kahdohnak a fah lioah Ma Au palik sakhan in bawmtu an rat caah hnu kan tolh SAC ralkap a thimi hna an ruak cu ralkap umnak no 258 ah an phurh tiah Yesagyo pahkahphah in ṭuanvo ngeitu pakhat nih a chim SAC ralkap hna cu Yesagyo peng tualchung hriamtlai phu Pakokko pengkomh battalion 9 le Super Fighter Drone phufonh hna nih an kahdoh hna.CRD: Myanmar News>>>>
Breaking News Rihkhawdar Ah Kahdohnak A Chuak The Chin Post 2023 March 16 Nihin March ni 16 chun suimilam 12 le 55PM ah Falam peng India le Myanmar ramri Rihkhawdar ah CDF Hualngoram le SAC ralkap kar kahdohnak a chuak Kahdohnak a um lai caah Venghnuai sang ah tli uh ralring tein um uh tiah TYA mino hruaitu bu nih an kan ti caah atu hi Ṭio Vengsang ah a ummi cu Venghnuai lei ah kan tli hna a cheu cu India ram Zokhawthar lei ah an va i dor chung hna kahdohnak a chuah hlan ah mino nih tualchung mi i ralring cia ding in an kan chimh hmasa atu hi kaphnih in hriamngan le hriamhme hmang in an i kap cuahmah kahdoh thawng cu a tur in a tur ko tiah tualchung mi pakhat nih The Chin Post ah a chim
Chinland Defense Force Matupi Nih Kahdohnak Cathanh A Chuah The Chin Post 2023 March 16 Chinland Defense Force Matupi CDF Matupi nih 2023 March ni 15 ah SAC ralkap he kaphnih kar an i kahdohnak cathanh a chuah Matupi le Paletwa lampi cung ah a ummi Ṭhebuai sakhan in a hung chuakmi SAC ralkap cu Wahlyanpi le Kalakyar Kalaungsai ah 2023 March ni 14 zanlei ah
CDFMatupi nih bomb puahhnawh in kaphnih kar i kahdohnak suimilam 2 chung hrawng a chuah caah SAC ralkap 10 an thi, hliamtuarmi an tam CDF Matupi lei kan him dih tiah an cathanh chuahmi ah an langhter A luancia ni tlawmpal chung zong ah Matupi le Paletwa lampi zul rih lo ding in CDF Matupi nih mipi sin ah theihternak cathanh an rak chuah bal tiah theih a si.CRD: The Chin POst>>>.