13 March thawngpangchia kan theih tthan e caan saupi Thantlang thawngpang kong kan theih ti lo mi cu kahdohnak thawngpang kan van theih tthan cang e Nizan zanlai ahkhan SAC Ralhrang vanlawng  nih Thantlang khuachung hmunthum ah Bomb a kah tthan tiah theih a si cu ahcun Vuichip tlang ah pakhat a thlak i cun Thantlang palik sakhan le Sianginn sang hna ah

Bomb cu a thlak tiah theih a si atutan Bomb a thlak lio caan ahhin CNA le CDF lei in a thi le ai hliam aho hmanh kan um lo tiah an chim Pathian umpinak a si ti hmuh khawh a si Thantlang ah a caancaan ah khuachung kahdohnak a um tawn nain

Ralhrang hna khualaicir an lut ngam bal lo caah a dai tthan tawn acaan ah Ralhrang hna hi TBC Biakinn khan tang lei ah an hung tum tawn i caantawi kahdohnak a chuak tawn a hnu ah an umnak hmun ah ralhrang hna cu an kir tthan tawn tiah theih a si Thantlang cu Helicopter in Rahrang thazaang le hriamnam zeimawzat an van chiah hnu in atu hi an hmunpi Khualu lei Camp pi cu

laak khawh a si rih lo Bawipa nih a kan um pi i Chin mi hna nih thlacamnak he chawva kan pek cio a si ahcun Thantlang cu kan laak khawh te ko lai cucaah cun Thantlang a kaang dihmi a lungfaak mi poh nihcun biatak tein thazaang chuah chin lengmang kan hau ko hna e

February 8 I kanmah Laimi Hmadaw khuami Pu Hram Mang thattu theih an si cang February 8 lio zaan tim ah Pu Hram Mang le a inchungnu nau thla 5 naupawi lio cu aho ti theih lomi nih an rak luhnnawh hna i faktuk in an vuak hna hnuah meithal in voi 12 an kah hna i an inn he an khangh lawlaw hna Innpa nih an aihram thawng hi an theih ko nain an rak chuahhnawh ngam cio lo caah a thattu hna hi mizeiset an si an rak fiang lo in ruak rak vui a si A hnu ah thil sining vun dothlat a vun si i Pu Hram Mang le a hawipa Kawlpa hi PDF le CDF KKG bawm tawntu an si A nih

a hawipa Kawlpa kha ralhrang lei dalaan rak si ziar in PDF bawmtu bantuk in a rak i umter mi asi Kawlpa cu dalaan a si kha Pu Hram Mang nih a theih tikah hlanlio tein hawikom thattuk mi an si caah a sik Kawlpa nih cun a ka theih hi teh keimah nih ka thah hmasa a hau tiin ralhrang pawl le Pyosawhti fonh in an rak thah tiah an ka chimh Pu Hram Mang te nupa thih ning hi a faktuk hringhran minung hmurka in chimthiam ding hmanh khi a si lo Kan lung fim dingah ka duhmi cu Kawl hi cu zeitik hmanh ah zumh bak lo ding tihi asi  Kan nunphung le zumhnak hrimhrim zong ai dangtuk a donghnak ahcun kan lu a kan la tu an rak si tawn hrimhrim ko Credit Chelsea Bawi