Ralhrang Rual Tapeh Pyisawthi Sakhaan An Phomh Hna Minung 40 An Thah Hna, An Meithal Zun 15 An Lak Chih

PyoSawHti Sakhan An Lak, Pyosawhti 40 An Thi I Meithal Zun 15 An Lak Chih
Sagaing ramṭhen Kanbalu(ကန့်ဘလူမြို့နယ်) peng ah Vaute 2 ah SAC ralhrang fale Pyosawhti pawl training an peknak sakhan pakhat cu mipi ralkap hna nih an va kah hna tiah theih a si.

Chatgyi(ချပ်ကြီးကျေးရွာ) khua ah hrambunhmi Pyosawhti hna training an i peknak hmunhma cu KB2 battalion le mipi ralkap hna i komh in an tuk hna i sakhan an lak khawh. Cun meithal zun 15 le zenkuan zong an lak khawh tiah theih a si.

Zing suimilam 5:00AM hrawng ah kan kah hna. Pyosawhti minung 60 hrawng an um. Thawng fiang tein kan dotthlat hnu ah kan kah hna. Kahdohnak cu suimilam pakhat hrawng a rau. Meithal zun 15 le zenkuan kan lak khawh” tiah KB2 in ralkap pakhat nih a chim.

Hi kahdohnak cu suimilam pakhat hrawng a rau i Pyosawhti lei minung 40 an thi. Mipi ralkap lei in minung pathum hliam an tuar. SAC ralhrang hna nih Vanlawng in an bawmh hna i bomb voihnih a thlak tiah theih a si.

Relchap>>>>>>Febuary Thla Chung Karenni Peng Ah Kahdohnak Voi 35 A Chuak; Ralhrang 40 Leng Thi KNDF Ralkap 2 An Thi

2023|Vaute 5| Febuary thla chung Karenni (Karen) peng chungah ralhrang le Karenni Nationalities Defense Force- KNDF karlah kahdohnak voi 35 a chuak, cu chungah ralhrang lei 45 an thi hriamnam zun 34 kan lak khawh tiah KNDF nih March 4 ah thawngthanhnak an tuah.

Hi thlakhat chung kahdohnak ah KNDF ralkap lei in minung 2 nih ram caah nunnak an pek i ralhrang hriam ngan kah mi nih ngakchia telh in mipi lei 8 an thi i minung 12 hliam an tuar. Mah pin ah inn 9, sii peknak inn 1 le Biaknak lei inn 4 a rawk tiah an langh ter. Febuary thla chung thiam ah De-moh-soe khua, Pha-yu-soe, Lwe-kaw, Phe-khung khua hna ah ralhrang nih vanlawng in 6 a kah hna tiah kan theih. CRD: Myanmar Non