Keimah an ka thah khawh hmanh ah keimah bantuk an tampi cang: Hi bia a chimtu hi a tu lio ralhrang nih thah an duh cemmi mipi ralkap hruaitu Bu Naka a si i a mah thah ding bakah helicopter 4 an hmang kha a si.
Bu Naka hi ralhrang dohnak ah tactic a thiam taktakmi a si i a mah ruangah hin ralhrang tam lakte voi khat thih ah an thi i cu caah ralhrang nih a thi in si seh a nung in si seh tlaih le thah an duhnak hi a si.
Bia an halnak ahcun na thih ding hi na ttih maw tiah an hal i a lehmi hna cu minung ka si ve bantuk in keimah thah ding bak i mah tiangtiang in helicopter hman hi cu ka thin cu a phang pah ve ko.
Nain ka thih zongah ka kut tang ralkap pawl hi nitin ka chimh ka cawnpiak hna i ka keneh a zul ding lawngte an si hna. Cu caah ka chim duhmi cu an ka thah khawh zongah keimah bantuk bak a simi minung le ralhrang a dotu ding cu an tam tthiamtthiam ko tiah a si. Bu Naka hi Sakiangah a min a thang taktakmi a si i ralhrang zong nih an ttih cemmi le thah an i focus cemmi a si. Ref: News
Ramri a hngakmi ralkap 4 cu an meithal he an zam: Mah a zammi ramri hngak ralkap 4 hna hi Rakhine state ah a ummi Maungtaw ramri a hngakmi an si hna tiah theih a si i a tu hi an cunglei bawi pawl nih an kawl len ko hna tiah theih a si.
An 4 lakah hin kawl miphun 3 le Karen miphun 1 an si hna tiah a cunglei bawi a simi min langhter lomi nih a chim i nan hmuh sual hna ahcun a rannak in thawng rak kan thanh u tiah a chim chap. A tam u zumh dan ahcun mah hi ramri hngak ralkap 4 hi tlang cung hriamtlaibu ngan a simi AA sin ah i fonh dingin an zam theo lai tiah an zumh.
A sinain AA aiawh in thawngpang a thanhtu le official in bia chimnak nawl a ngeitu U Khine Tu Kha cu phone in an chawnh nain a phone line a lut lo caah AA ah an zam timi hi cu chim khawh taktak a si rih lo tiah an chim. Cun a tu lio mipi ralkap sin zongah a zam khomi an si hna tiah an zumh. Ref: News
Uico pawl kut in nupi le fa a cawm ciahmahmi ung zuar 2 an nunnak a liam: Mah thil a cannak hmun hi Sakiangah a si tiah theih a si i Sakiang ah a ummi Banbwe khuate ah a si tiah an chim.
Mah hi Banbwe khuate ah hin ralhrang 20 hrawng nih an rak lut hna i cu ticun nupi le fa a cawm ciahmah komi ung zuar minung 2 cu an kah hna hi a si tiah khuami hna nih an chim. An kahmi hna ung zuar 2 hi kum 35 a simi Ko Zaw Min le kum 50 a simi Ko Myia Aye an si hna tiah an chim.
Ralhrang pawl an rak rat ah hin an lau tuk in ung kung cung an kainak in Ko Zaw Min cu a ttum zau i motorcycle in zam ai timh an kah hi a si tiah theih a si. Cun Ko Myia Aye hi cu ung kung cu a umnak ah an kah i a thi tiah an chim. Ko Zaw Min hi kum tling rih lo bawhte le kum
Sam A Pongmi Kha Fawi Tein Damter Dan: Nu caah cun sam hi an biapi cem ah an chiahmi a si i vawlei cung mui dawh timi cuaithlainak zongah hin sam tthat hi a rak biapi tukmi a si. A sinain a tu chan ah hin cun nu zong hi pa bantuk in an sam cu an i tawiter hna i chan ai thleng dih cang.
A tu kan langhter dingmi cu sam a pongmi hna caah sam a tthatnak dingin bantumtawawk hmang in sam tamter dan a si rih lai. Phun dang dang zong cu a um ko lai nain a fawi cemmi a si caah kan van langhternak hi a si i a ruang cu bantumtaawk hi cu man lo hna i ram zeimaw ah cun i lak khawh a si.
Khua lei hrawng Laitlang hrawng hna ah cun mah nih i cin a si i a hlonh hna kan hlonh mei tawn ko cu mu. Kan capar chungah kan lut a si ahcun bantumtawawk kha namte in a lah cen i cun a rak chuakmi a hang kha a thiangmi hrai or khengkur in dawnh.
Cun lu cu i ttawl hnu ah mah cu a hang pawl in cun lu cu i thuh dih. Ni 3 a rau tiang cu ticun chiah hnu ah lu i ttawl tthan ahcun sam a pongmi cu a ttha lai i a sinain zarh khat ah a tlawm cem voi 1 paoh cu tuah a hau vemi a si. Reference: Women’s Health