Mizoram Aizawl,Lushai Hills Residency Hotel chungah nungak muidawh ngai pakhat thicia in an char nak thawngpang cu atu lio Media kip ah thawng thanh a si i mipi nih theih duh ngaimi thawngpang pakhat ah a hung cang.Amah hi Lunglei electric veng ah a ummi a si i power electricity department ah rian a tuanmi a si i tutan Aiawl a rak tlawn hi a rian he pehtlai in exam ngei ding in a rat a si i a tlangvalpa he Aizawl Hotel ah hin an tlung .
April 13 ah hi Hotel ah hin an tlung ia thaizing zingka ah a tlangvalpa nih hin a hmu tilo i police sin ah report a tuah colh ve i ni 6 chung an kawl hnu ah hotel chung basement ah thicia in an char hi a si.Hikong ah hin Mizoram Deputy Inspector General of Police (Headquarters) Lalbiakthanga Khiangte nih Media sin ah a chim ning ah cun a thimi nungak Vanlahmangaihzuali le a tlangvalpa hi Hotel an riahzaan April 13 zaan ah hin zu an ding tti i, a tlangvalpa a it hnu zong ah Zuali nih hin a mah telawng in zu tamtuk a rak ding than ti a si.
A tlangvalpa T.Zodinsanga cu zaan sml 10 hrawng ah ai hngilh diam cang i Zuali tu hi amah tein zu arak ding than .Hotel CCTV an zoh tikah Hotel lenglei ah cun a chuak tilo i , April 14 ah a tlangvalpa nih a kawl tuk nain a hmuh tilo caah April 15 ah police sin report a pek hna hi a si tiah a chim.Zuali ruak hi Hotel elevator zawn hotel lobby ah an hmuh i a rak i rawk ngai cang. Aruak an zohfel tikah a hngawngruh a kiak i elevator kutka a thatlo tikah a tla i a si lai tiah an zumh.
Min langhter lomi Zuali te chungkhat pakhat a simi nih cun”an unau hi minung 7 an si i Zodinsanga he an i duhnak hi kum 7 a si cang i an i duh taktak.Zuali tu nih hin i thitumh hi a sawm peng nain pa chungkhar lei nih thil silo le silo kha an i donhter i an el lengmang” tiah East Moji sin ah a chim.Zuali ruak hi postmortem an tuah cuahmah lio a si i a chungkhar lei nih an zumh ning ah cun Zuali hi amah tein thimi siloin mi pakhat khat kut in a thimi a si ko tiah an zumh ve.