Ralhrang nih kum 70 leng tar 3 cu mei in an khangh hna: Mah hi thil a cangnak hmun hi Sakiangah a si tiah theih a si i Sakiangah a ummi Hmoneyua tanga Thahnaungtawtaung timi khuate ah a si tiah theih a si.
Zinglei suimilam 6 hrawngah khan ralhrang nih hi khuate hi an rak luh hnawh hna i cu ticun an tuah kel bantukin khuami hna cu an inn an khangh piak hna. An khangh piak dih hna hnu ah hi khua cu an chuah taak i a zammi khuami hna cu an khua ah an rak lut tthan tikah an khuami a simi tar 70 leng 3 an ruak cu mei hliamhma he an hmuh hna.
Mah khuate ah si seh a pawngkam ah si seh i kahdohnak a um lo nain hi bantuk in ralhrang nih khua dai khua ttha timi zong an khangh dih hi a si. Ralhrang nih uknak a lak hnu in Sakiang ah khuami inn 43292 a khangh piak cang hna tiah DoM nih a chim. Ref: News
News dang rel ding a um: Kum 7 hngakchia nute a firtu le zan khat a ihpitu misual an tleih: Hi thil a cangnak hmun hi Sittwe ah a si tiah theih a si i mah hi hngakchia a firtu le zan khat chung a ihpitu hi a min ah Kyaw San Oo timi kum 26 minung a si tiah theih a si.
A firmi hngakchia nute hi tang 1 a kai liomi a si tiah theih a si i an inn tual ah lente ai celh lioah phaisa ks 1000 in a lemsoi cu ticun hngakchia kan ti cu phaisa a hmuh tikah hlennak a si kha a thei loh i a zulh.
Mi an um lonak inn pakhat ah ai kalpi i zan khat chung ai ihpi tiah theih a si. Hngakchia nute a chungle nih an fanu a tlau an ti i khuami hna he an kawl a thaizing ah an hmuh hna tiah theih a si.
Hngakchia nute a pum cu velhnak nehnang pawl le pumsa nuamhnak leipang tuaitam piaknak nehnang pawl in a khat tiah an chim i zan khat chung a ihpi ah hin hngakchia nute a nuainn an check tikah tawnghtham piaknak nehnang cu an hmuh i cu caah a tleihhrem le tleihhrem lo timi cu an chim kho rih loh. Ref: News
News dang rel ding a um: Mino hna lakah ralram ah kal ve in ralhrang a dotu nih Man Jonny: Man Johny hi NLD party teinak voi 4 tiang a hmu dingin a tawlrelpitu a si i a mah hi 1988 chan lio ralkap nih uknak an lak lio tein khan party lei ah upa a rak si cangmi a si.
A tu hi kum 80 a si cang nain a nunnak ca i zoh loin mino sin ah hehmawchat tiah ralram a neih cemnak ah ralhrang a do vemi a si. A tutan ralhrang uknak zongah mipi lei ttang in a reng a chuah taaktu a si i internview ah an halmi cu hi dohthlannak hi a ho lei nih dah ai tei te lai tiah na zumh tiah a si.
A lehmi hna cu mipi nih an ttanhmi lei paoh nih teinak cu an hmuh te ko lai. Mipi nih ttanh lomi cu sau a dir kho lo cu cu ka chim ngammi a si tiah a si. A tu tiangah cun Man Johny hi a ngan a dam ngaingai i mino hna lakh hehmawchat tiah training har taktak zong a tuah ve i sniper meithal he frontline timi ral he ai nai cemnak hmun ah ral a do ve cuahmahmi a si tiah theih a si. Ref: News
News dang rel ding kan chiah chap: Ram chung ralzam hna cu mipi ralkap pasal ttha hna nih eidin in an bawmh hna: Hi bawmhnak a petu mipi ralkapbu hi Kareni mipi ralkap KNDF an si hna i a mah he ai bawmmi cu Cyeletmay pdf an si hna tiah theih a si.
An mah ca i zoh loin an mah bochan in an pawngah ral a rak zammi hna cu an ti khawh tawkin eidin le ti in a bawmh hna tiah theih a si. A tu lio ah hin ralhrang nih Kaya le Shan ramri hi biatak te bakin a rak nawr i cu caah ralzam zong an karh ngaingainak a si.
Ralhrang cu zapi theih bantuk in hmuhmi paoh khuami le mipi ralkap thleidang um loin kah thluahmah kha a si caah inn le lo chuah taakin hi bantuk in mipi ralkap an umnak hmun he ai neihnak ah an rak i dor hna cu a si.
A sinain a zungzal in cun mipi ralkap zong nih an bawm kho ve hna loh i an veng kho ve hna loh. A ruang cu an nih zong dongcat ngaiin le tlacham ngaiin khua a sa vemi an si hna i ralhrang do pah he cun an si thiam ve lo. Ref: News
Khuami fak takakin thahnak nawl a petu cu hi pa hi a si: Hi pa hi a min ah Tan Htheih a si i a mah hi a tu lio a tlangpi ral ram ah a kalmi ralhrang pawl nawl a petu a si tiah theih a si. A bikin kawl biaknak a chah cemnak le pdf an tam cemnak Sakiang ah hin hi pa nih in a order tangah ralhrang pawl cu a cawlcanghter hna tiah an chim.
Mipi ralkap lawng si loin khuami zong duh ning paoh in thahnak nawl a petu cu a mah hi a si tiah an chim i a bubu in khuami fak taktak le zoh ngam lo tiangin a thattu lutlai cu hi pa hi a si tiah an chim.
Khuami hna mei in khangh le an hngawng cik le dawhcah loin thahnawnnak vialte lutlai hi a mah a si i hi pa hi Sakiang le Hmoneyua ah nawlngei cemtu a si tiah an chim. Cun Kalaymyo ah a ummi hremnak hmun zong a rak uk baltu a si i a sual taktakmi a si. Ref: News
News dang rel ding kan chiah chap: Ralhrang thimnak tuahnak ah min a pemi party 23 an si cang: Mah ralhrang thimnak ah hin a tu thla ni 26 hi a donghnak party min pek ni tiah a thanh i mipi nih thazaang pek a tong ngaingaimi Rakhine party a simi ANP zong a min ai pe ve lai tiah theih a si.
Mah hi ralhrang tuah dingmi thimnak ah min ai pemi party 23 hna hi ram pumpi huap in vote thlak phun in uknak ai cuh dingmi party 5 le tlang cung state lei in si seh hmunhma min bunh in si seh ai zuam dingmi hi party 18 an si hna tiah theih a si.
A sinain 2020 kum teinak a hmutu NLD party hruaitu upa hna nih cun hi ralhrang thimnak hi theihpinak kan tuah lai lo i teinak a hmumi party zong kan cohlang lai lo tiah an chim. Cun hi ralhrang thimnak tuahmi ah hin kan ram thil dik a kal ning hoih in kan party cu a min kan pe lai lo tiah an chim ve. Ref: News
Ram chung ralzam tar nu kum 78 le kum 81 thah na tong: Mah hi thil a cangnak hmun hi a tu lio kahdohnak a fak taktaknak hmun a simi Shan state a si i Shan state ah a ummi Moebea ah a ummi ralhram umnak hmun a si tiah an chim.
Thah a tongmi tarnu 2 lengah hin ralzam1 an thah chap hna tiah theih a si i cu an thah chapmi hngakchia kum 15 a si tiah an chim. Mah hi hi Pheykhung pdf nih an chimmi a si i PKPF timi karen a tthanchonak caah ttuanvo a latu nih cun Kaya le Shan thlanglei ah a ummi ralkzam hna lakah hin ralhrang ttih in ralzamnak ah a nunnak a liammi hi minung 130 an si cang tiah thawng a thanh. Mah hi ralzam 3 thah an tonnnak kongah hin ralhrang lei nih cun thawngthanhnak dang an tuah rih lo tiah theih a si.CRD: Myanmar News>>>>.