Mandalay Ah PDF Sakhan 2 Luhhnawh An Ton Caah PDF Pakhat Nunnak Liam Hriamthil Sing Thongkhat Man Leng An Sung The Chin Post 2023 March 16 Mandalay ramṭhen tualchung hriamtlai phu hna sakhan 2 cu luhhnawh in kahdoh an ton caah sakhan chuh an tong ralkap pakhat a nunnak a liam pin ah hriamthil kyats sing thong khat leng man kan sung tiah Mandalay pengkomh battalion 5 MNPDF Myitnge in
chimphuannak nawlngeitu nih nihin March 16 ah a chim March 15 zinglei suimilam 5 AM hrawng ah rallam sial in a chuakmi SAC ralkap le Kyaukyit sakhan in a chuakmi SAC ralkap nih Mandalay pengkomh battalion 5 MNPDF Myitnge le Ngazun hrambunh Zamani pahkahphah umnak sakhan cu an luhhnawh tiah MNPDF Myitnge in chimphuannak nawlngeitu nih
a chim Tualchung hriamtlai PDF umnak sakhan luhhnawh in kahdoh kan ton caah minung 4 nih hliamhma an tuar ralkap pakhat a nunnak a liam tiah a chim chap Hriamthil sernak thilri uniform carbine 10 mine le mine sernak thilri kuan phuntling le meithal phuntling telh in hriamthil tam lak te le phone lung 50 cycle 20 Tolaji pakhat facang le riahcaw tamlak kan sung tiah MNPDF Myitnge in chimphuannak nawlngeitu nih cun a chim Hriamthil sernak thilri le hriamthil dihlak telh in kyats sing thongkhat leng man kan sungh caah
kahdohnak chung luh ding ah kan har ko bawmhchanh kan herh tiah MNPDF Myitnge nih nawlnak an tuah March 13 zinglei suimilam 5 hrawng ah SAC ralkap nih Myaung peng Parinma khua cu an rak luhhnawh i an kir lei ah Sagaing pengkomh battalion 4 MSPDF sakhan cu luhhnawh in an rak khanghpiak hna caah kyats sing 200 leng hrawng sunghnak an rak tong
Kyaukhtuh In Mindat Ah Ralhrang Motor 35 An Rak Kai Ramri Ah CDF Nih An Kah Hna Magway ramṭhen Saw peng Kyaukhtu chaklei hmun in a rak kaimi SAC ralhran motor 80 chung in motor 35 cu March 16 chun suimilam 2 le 30 tluk ah Mindat khuapi lei hriamngan hna kahchih in an panh Mindat ramri hmunkhat ah CDF Mindat nih an kah hna tiah kan theih Pakukko khuapi in a chuakmi SAC ralhrang motor 80 hrawng cu March 12 ah Saw pengchung an lut cang i March 13 ah Kyaukhtu an phan Cuhnu ah motor 30 leng cu March 14 ahkhan Thilin khuapi lei an fuh hna i
March 16 ah a dang motor 30 leng nih Mindat khuapi lei an fuh hna tiah theih a si Duhdah tein an kal caah Mindat khuapi cu zanmui ah an phan lai tiah tualchungmi nih an chim Hi a rak kaimi SAC ralhrang pawl cu Saw pengchung an luh lio ah tualchung hriamtlai phu hna nih bomb pawl in an puahhnawh hna caah SAC ralhrang thimi le hliamtuarmi an um SAC ralhrang motor pawl cu Chin ram lei fuh in an rakkai caah CDF Mindat le CDF Matupi nih Mindat le Matupi lampi hman rih lo dingin theihternak an tuah .CRD: Myanmar News>>>>>