Kum 18 nungak no cu a tlangval nih hlen in thah a tong: Mah hi thil a cangnak hmun hi Karen state ah a si tiah theih a si i Cientaw timi khuate ah a cangmi a si tiah an chim cu a si. Mah hi thah a tongmi kum 18 nungak no hi a min ah Ma Khine Tazin Thaui a si tiah theih a si i an inn in an motorcycle in a chuak hnu in a rak lawi ti lo tiah a chungle nih a chim.

Cu caah an fanu a tlau tiah thawng an thanh i khuami hna he an kawl tti hna. An kawl i an khua pawng a ummi rubber dum pawngah an hmuh tiah an chim. A tlangval he an i date i cu ah cun a tlangval nih a thah i hi nungak no a motorcycle cu ai fir tiah khuami hna nih cun an chim dan in theih a si. A tu hi a tlangval cu a mah tein palek sakhan ah a sual a rak i ap i dantat dingin an timh lio a si tiah theih a si. Ref: News

News rel ding kan chiah chap. Ralhrang nih kum 70 leng tar 3 cu mei in an khangh hna: Mah hi thil a cangnak hmun hi Sakiangah a si tiah theih a si i Sakiangah a ummi Hmoneyua tanga Thahnaungtawtaung timi khuate ah a si tiah theih a si

Zinglei suimilam 6 hrawngah khan ralhrang nih hi khuate hi an rak luh hnawh hna i cu ticun an tuah kel bantukin khuami hna cu an inn an khangh piak hna. An khangh piak dih hna hnu ah hi khua cu an chuah taak i a zammi khuami hna cu an khua ah an rak lut tthan tikah an khuami a simi tar 70 leng 3 an ruak cu mei hliamhma he an hmuh hna.

Mah khuate ah si seh a pawngkam ah si seh i kahdohnak a um lo nain hi bantuk in ralhrang nih khua dai khua ttha timi zong an khangh dih hi a si. Ralhrang nih uknak a lak hnu in Sakiang ah khuami inn 43292 a khangh piak cang hna tiah DoM nih a chim. CRD:  RFA News>>>>>