talian Doctor nih dam duh ruangah a mah rak fuh tu nu pakhat dam lomi cu a zawtnak dam khawhnak caah tiin nupa sinak hman ti dingin a sawm ti si.Italian Doctor thiam bak a simi a min Dr.Magic Flute tiah mipi nih theih tukmi le a lar tukmi pa sinah cun nu pakhat a dam lo i dam duh ruah ah a rak i piahmi nu cu a zawtnak damh khawhnak ding caah tiin nupa sinak hman ti dingin a thlem len ti si.

Doctor nih cun cu nu sin i a um mi rirus cancer tiang zong a phan kho dingmi a simi cu nupa sinak hman tinak in a dam kho tiah a dam lomi nu cu a thlemnak tiah an rak tarlangh.Italy, Southern city of Bari i khuasa Dr.Giovanni Miniello kum 60 tluk upa hi gynecologist a si i a mah rak panh tu nu pakhat kum 33 tluk a si mi nu cu human papilloma virus a ngei tiin a chim i,cu zawtnak cu nupa sinak hman tinak in kai khawhmi a si tiah a chim.

A hnuah takpum chungah zawtnak fak tuk a simi cancer zawtnak tiang a chuak kho tiah Newsflash nih cun a rak chim.Doctor nih cun dam lo nu sinah cun hi zawtnak in a dam lomi nu tampi an um hna i ka it pi hna hnuah damnak an hmu thanmi tampi an um i hi zawtnak nih hin zeitik hmanhah a pha kho ti hna lo tiah a rak chim.

Ahnu ah dam lomi nu nih hin a cung i thil cangmi vialte cu Italian Newspaper La Republica sinah a rak phuan than dih ti si. Doctor pa nih cun a voikhatnak kai piah ah ka hnuk zong a ka tongh piak pinah nupa sinak hman ti dingin a ka sawm, i hi thil hi nu dam lomi hna caah damnak tha bikmi a si tiah a ka chimh len tiah a chim.

Doctor pa nih cun nu damlo mi ka it pi hnanak in minung 40 nih cun damnak zong an hmuh tiah a rak chim fawn.Cu tin nupa sinak hman dingin an i timh lio tak ah mi pakhat nih ruah lo takin a va luhhnawh hna i doctor pa cu um awk thei loin a um i ai phisin len ti si.A hnuah police nih an rak tleih i nu tleihhrem case an orhter ti theih a si.