A ho poah hi zu an rit cang ah cun ruahnak a fim ti lo i mah le mah sining tiang ai thei lo mi an um cio . Jack zong hi nupi ngei cang mi a si i a hawi le he zan khat cu an party i zu ri ngai in inn ah a hawng lawi . zing lei a thawh cun lung fak ngai in a um .zei tin dah nizan kha party nak in kan inn hi ka rak phak ti zong ai thei ve ti lo . zei tal thil ti sual mi ka ngei hnga maw ti zong ai ruat len . Jack zing a thawh ah hin a pawngkam ah a hmuh hmasa cem mi cu ti din nak khuat le lufah si a hmuh . lufah si cu a din i bathroom ah a lut i thlalang ai bih cun a hmai cu a phing dih .

A nupi nih a chiah ta mi ca cu a van lak i a rel “ka dawtmi kan pa nizan na rak lawi cu na ri taktak ko . zing rawl ei ding na caah timh cia tein kan chiah piak i zanlei meh caah na duh bik mi meh cawk dingin leng ah ka chuak ta na dawtmi Jillian ” tiah a nupi ca chiah ta mi cu a hmuh .

Rawl ei nak capuai lei cu a va panh i a fapa cu a rak ei lio ve i zei tin dah nizan kha ka rak lawi ning a si tiah a hal tik ah cun na ri tuk i na luak zong tampi inn chung ah na luak cabuai zong na thluk dih . zinglei nazi 3 hrawng ah inn na rak phan ti a chimh cun a lau taktak .

A si cun na nu cu ziah thinhung lo ten a um fawn ti a hal tik ah cun ka pa nizan ah khan ka nu cu na tthawl chih i inn in chuak ti ah na hro chih a ti . a pa cu ai ruat i cu ti ka zu rit i ka hro bu hmanh cun maw ei ding ready tein a ka chiah piak ka zurit tuk lio hmanh ah ka caah zumh a tlak ti a ruah tik ah lomhnak mitthli a luang .

Dailymail