Atu lio kan chan chinchin ahcun, kum 16,17 kan si ahcun, darling, duhmi kan ngeih dih cio hna. Cheukhat chinchin cu an i duhnak hmanh a sau hlanah (Living together) nuva bantuk in khuasak tti an theih cang hna i, an i um hlan in an darling le he a it tti cangmi hna nih cun, an sunglawinak bik kilven loin an hman ttheu tawn.
Nu pawl an/kan i dawhnak bik cu kan mui dawhnak le kan rumnak siloin kan virgin nak hi a si. Nungak Virgin cu pa pawl zong nih an sunlawih khun i, kan i ralrin lo ahcun kan virgin nak hi minute 5 chung te lawng hmanhah a tlau /ziam khomi a si. Virgin ka duh tthan ti thi dengin ka duh tthan tiah ttah ai hram len ko hmanhsehlaw na nun chung vialte na virgin nak cu na ngei tthan kho ti lai lo.
Cu ruangah darling na ngeih zongah na darlingpa theihthiamnak dingin na chimh fian lai. Asinain, na virginnak kha cu na darlingpa nih a rak bawmh pengmi a si ruangah na pek lo ruang i, a kaltak a si ahcun, ka van ttha deuh tiah va ruat, an duh taktak lo ti i fiang. Minung rengreng cu kan dawtmi hmasabik ( first love) he i tthiummi nak in a tthenmi kan tam deuh.
Kan first love kha kan virgin nak kan pek sual hna ahcun “tahchunnak ah, kan first love he kan i tthen i, a hnuah kan pasal ding taktak hna he kan i ton tikah i ngaichihnak na ngei hrimhrim lai. Cu ti kan i ngaichih zongah santlaihnak a ngei ti lo, a tlai tuk cang, kan chungkhar ah buainak tiang a chuak kho. aiwan zongah thil tha lo ngaingai a cang.
An i um cang pinah fa zong pathum (3 children) tiang an ngeih cang, asinain a nungak lio i, a darlingpa tthing he an rak it ttinak, nuam an cennak video file ruangah a pasal he an i tthen cawlh tiah theih dingin a um. Cun kan status (capost) kan tarmi tiangah i ralring hna usih. Kan Status tialmi postmi in hin “hi nu hi cu aw” tiin mi dang nih an kan nehsawh lo nak hnga, ralrin tein um hi a herh ngaingai.
Nu pawl kan sunlawinak bik cu kan i dawhnak, kan mui le kan rumnak hi a si hrimhrim lo, kan sunlawinak bik cu kan virginnak tu hi a rak si deuh, cucu thei cio hna usih law a ttha lai. Kan nungak lio ahcun kan virginnak cu thlau loin, a herh ning kha thei bu tein i ralring cio hna usih.