Sagaing ramṭhen, Wetlet khua meithat zung ah umhmun a khuarmi SAC ralkap pawl cu drone in bomb kan thlakhnawh hna caah SAC ralkap 4 an thi, tiah Shwebo Federal Army in ṭuanvo ngeitu pakhat nih a chim.

January 29 ah Wetlet khua hnulei ummi meithat zung ah umhmun a khuarmi SAC ralkap pawl cu Shwebo Federal Army nih drone in bomb an thlakhnawh hna caah SAC ralkap 4 an thi i hliamhma pumi an tam, tiah theih a si.

“Meithat zung ah umhmun a khuarmi uico ralkap pawl cu drone in bomb kan thlakhnawh hna caah SAC ralkap 4 an thi. 60mm in an kan kah ko nain kanmah lei in a thimi lo aa hliammi kan um lo. Uico pawl cu Wetlet peng ah rallam an sial i khuate tam ngai an khangh,” tiah Shwebo Federal Army in ṭuanvo ngeitu nnih a chim.

Cu kahdohnak ah C&T SHWE BO LDF၊ Shwebo Federal Army SBFA၊ Snake Eyes PDF, PDF ṭangṭi phu hna, Wetlet Battalion 1 le 2, Nattaung Dragon, Mahuya Minyaing le CDF SHWEBO hna i bawm in an kah hna, tiah theih a si.