Mynamar ram Hip Hop hlasak thiam min thang Bunny Phyoe cu Bangkok ah a zahmawh singning ai thleng diam cang ko hih a poi tak tak. Hip Hop hlasak thiam min thang bunny Phyoe hi a luan cia mi thla 5 hrawng ah biakhiahnak a rak ngei mi asi. Asinain, Myanmar mipi long hmanh si lo in, ram dang mi tiang hmanh nih tha pek mi Hip Hop hlasak thaim pakhat asi tikah a fans pawl an lung a nuam lai loh tiah a ruah caah chim lo tein a rak um nak cu asi.

Thailand ram Bangkok khualipi ah a um mi sizung pakhat ah Hip Hop hlasak thiam min thang Bunny Phyoe cu zahmawh singning ai thleng ruang mang ko. Hi bantuk in pa sinak in nu dir hmun ah ai thlen nak a ruang cu, Hip Hop hlasak thiam min thang Bunny Phyoe nihhin a thli tein tlangval pakhat a rak duh tuk mi aum ruangah asi. Hip Hop hlasak thiam min thang Bunny Phyoe nihhin, Cu tlangval pa he thitumh an tuah cang lai tiah theih asi.

Hi Hip Hop hlasak thiam min thang Bunny Phyoe kong he pehtlai in mipi tampi nih fak ngai in an mawhchiat. Asinain LGBT sazi sayamah Saw Han Nwe Oo nih cun Hip Hop hlasak thiam min thang Bunny Phyoe LGBT ah ai thleng mi hrimhrim hi kaa lawm tiah a chim.

Adang :- Salai Lung Thli Tum nih a facebook timeline ah ca a tialmi cu zapi nih hmuh cio l rel cio a si. Hi kong he pehtlaiin mi tampi nih a diklo tiah comment an pek i , mi thenkhat nih cun mi raltha le midik bak a si tiah comment thatha apemi zong an um len ve. Hikong he pehtlai in Salai Ceu Bik Thawng nih a tanglei bantuk in Salai Lung Thli Tum catialmi cu hitihin a leh ve.

Ceu Bik Thawng nih Salai Lung Thli Tum a lehmi :Chinram ah NGO an tam taktak maw? Hartong bawmhnak a tam taktak maw? Tumte bia cu a dik taktak maw? Min Aung Hlaing le a ralhrang ruangah Chinmi sing/ting khat nawn ralzam in kan um i Chin mipi kan dihlak ti awk in ral ruangah harnak phunzakip kan tong.Bawmh herhmi kan si dih ngawt hna.Cu hartong bawmhnak_humanitarian aid Chin mipi nih kan hmuh mi chungin 90% renglo cu ramleng ummi Chin miphun unau hna lila in a si. Pumpak in siseh, chungkhar in siseh, mah le khua cio in siseh, Khrifabu in siseh comiti tete in siseh phaisa kuat le bawmh cio a si.

Dollar million 20 leng asi ka zumh. Cu pawl cu NGO kut ah a lut lo. Dairek in anmah le hartong hna sinah kuat a si ko. Ramdang cozah in siseh, UN in siseh, NUG in siseh, INGO in siseh bawmhnak kan hmuhmi hi 10% nak tlawm a si lai. Zeipipa a um lo. UN an lut kho lo. Ramdang cozah bawmhnak zero tluk deng a si. NUG le INGO/NGO in chimtlaklo a lut. (NUG nihcun dairek in a pek NGO sinin a pe lo).Ni chuah lei Thailand ramri lei ummi he i tahchunh ahcun hartong bawmhnak lei ah kan Chin mipi tampi an sung (နစ်နာ). Kan vanchia. A poi tuk. Cuti kan sunghnak a ruang bik pa (3) a um.

Pa 1nak: India cozah a sualtuk. Kawlrawn lei in ralhrang nih bawmhnak luhter an kham tikah India lei (ramri/ramleng) in luhter a hau. Cucu India Modi cozah nih a kham. UN tang bawmhnak petu WFP, WHO, UNCEF tepawl hna kha ramri tiang rat hmanh a sianh hna lo. INGO pawl cu chim awk khi a um lo. India cu Ukrain hnu ah US he an iremlo azual caah a poi khun. Alangpar in bawmhnak phaisa kuat hmanh a phih. “Ramdang nih bawmh nan duh ahcun keimah ka pe uhlaw keimah nih ka pek chin hna lai” ati. Ramdang nih an duh ve lo. Thailand ram tluk hmanh in innka a ong duh lo.

Pa 2nak:Ramri lei bawmhnak pek experience kan rak nei tuk lo.Chinram cu atu bantuk in dothlennak fak kan rak tong lo i Karen,Shan le Kayah tepawl bantuk in ramri lei in bawmhnak luhter kha hmuhton kan ngeihmi atlawm tuk.Kan thiam rih lo ngai. Phih khar nak kar lak ah bank le phaisa kuat tibantuk.Pa 3nak: Humanitarian bawmhnak petu L-NGO hrimhrim Chinmi chungin an tlawm tuk. Ramchungah a rak dirmi hnih khat zong ralhrang ttih ah an cawl ngam lo. Cun NGO i a rak ttuanmi mino tamdeuh cu raldohnak ah an lut dih. Cun cheukhat cu ralhrang nih an tlaih hna.

Biafunnak Ka chim cang bang Laitlang ah hartong bawmhnak petu L-NGO hi kutdong thluk zat hmanh an um lo. Bawmhnak zong cu a lutmi um huaha lo. Hartong kan mipi caah sii a herh, eidin a herh, tii a herh, hngakchia cacawnnak a herh, innlo a herh. Cu vialte a tamdeuh cu bawm tu neilo in an um. Ramdang nih bawmh duh ko zongah acunglei kan chimmi pa 3 ruangah a lut kho lo.Nai ah kan Chin sibawi pawl nih CHO timi an dirh i Chin mipi tampi ngandamnak bawmh lai. Kan ilawm tuk.Karen lei hrawng he tahchunh ah kan Chin mipi hartong an isunghmi a tam tuk.Kan dohthlennak nih sau rih khomi a si.

Cucaah kannih lei ah zeitindah Chin NGO hna an tthawn ve khawh lai i mipi bawmh nak zeitin a luh khawh deuh lai tiah lungfak in khua kan ruah lioah…. Fa huatchuak Lungthlitum tepawl hna luklak nih alangpar in zei thei huaha loin ‘lih thli an tummi’ luklak kha ai zumhmi kan rak tamtuk hoi i a poi ko. Kan dothlennak a dohkalhtu LTT ca post mi luklak a like le share tu ka freind(FB-hawi) chungah nan um ahcun zangfah tein rak ka ‘unfreind’ hram uh tiah kan nawl hna. A catialmi ka hmai ah a chuak lengmang i ka rem lo__ dothlennak lioah.Kaa lawm. Credit : Ceu Bik thawng.

Salai Lung Thil Tum nih comment ah a lehmi : Lian bawi Thang tial ning in CNF kan pale dihlak cu NGO phaisa in paw ai cawmmi lawng te an si. Bawi Lian Mang tial ning ah ramdang bawmhtu donor phu khat nih CHRO sin ah dollar million bawmhnak pek an timh. Mah pahnih hi keimah bia a si bak lo hi mu.Cun, nangmah telh in CDF a controltu 90% cu riandang nan tuanmi a um lo,NGO phaisa in ai paw ai cawmmi lawng te nan si. Nang zong Cherry Foundation timi NGO te na dirh ve i cuka phaisa in nai cawmmi a si ve ko.Aizawl le V Camp in CDF a control i NGO rian a tuan chihmi pawl khi bik in Thailand le India sianginn dihmi nan tam, pumpak in ka theihmi lawngte nan si hna. Nan min tiang ka tial khawh dih, nain a zoh chia i um ko seh.

Na upa lila zong ramdang donor hna nih media thanchonak caah tiin bawmhnak phaisa an pekmi hmang in Hakha ah inn tha pakhat a sak ve ko.NGO phaisa nih tampi a kan cawm khawh hi a tha tuk, i lawmh awk a si. Tam deuh ngah khawh zong i zuam bak ding.Nain, kan mino nunnak zuar in mah pumpak phaisa kawl awk a si lo, tih a nung tuk tiah ka ruah. Cun, kan mino khi thihnak hmun kal ding ah heh tiah na forh peng hna. Tei awk an tha lo timi cu lungfim na si ve ko i na lungthli tein 100% na theih ve ko. Tei ding na zumh taktak ve ahcun nangmah pumpak na lut ve awk a si nain. Aizawl in cun ral na tuk len ve. A chel ah seminar timi min in na tlawng pah hna, mah khi cheukhat nih cun an in tihzah ngai lai. Nain, na konglam ka hlat tikah hmailei caah politics na khel ciami tu a si deuh. Zer bia tu khi a si deuh. Fim ah cun ningzah awk deuh khi a si.

Ceu Bik Thawng nih a leh thanmi : Dothlennak ah riantuanmi hna hi nangmah bantuk puaisa (human trafficker) US cozah nih tlaih a duh ngaimi aho hmanh kan um lo. Cun CNF/CDF ralkap raldomi pawl hi nangmah achoh bantuk mi ralchia le forh chom haumi aho hmanh an um lo. Ahohmanh nih fial chom an um lo. Ahohmanh nih kan forh hna lo i keimah hrim nih ka forh hna lo. Kei hna cu CDF an dirh le meithal tlaih an thawk hmanh ka hngal lo. CNF/A ah kum 2007 na hnaptawh lio tein ka lut i atu tiang ka si zungzal. CDF an dirh i ral an tukmi cungah ka lawmhpi hna i ka si khawhtawk ka dirpi hna.Cucu si ko. ____ Kan forh hna caah mino pawl ral an do na timi hi thisen nunnak thaap in raldomi kan paraltha hna na NEHSAWH hna asi.

You insult our young hero-s who dare to fight for their nation. ___ Ahohmanh nih CDF a um ruangah lahkhah an ngah lo. Ahohmanh nih CDF le raltuknak min zuar in donor an hmu lo, atu tiangah. Na lih lawngte in tawntok hlah. Keimah Cherry Foundation cu na hngakchiat lio na hnap tawh lio, UK na kal hlanpi in dirh ciami asi i CDF le atu dothlennak he pehtlaihnak zeihmanh a um lo. Amah rian te a ttuan ko. Cuka ah zung riantuan zong ka si lo.Lahkhah zong ka ei lo, honorarium tu tlawmpalte an ka pekmi si. Mipi bawmhnak a pemi NGO zong a si pek lo. Nangmah bantuk illicit business phaisa hnawmtam zal aa sanhmi ka si lo.

NGO riantuannak ahhin nangmah illicit business bantuk in firkhut le lih in duhpoh in phaisa hi hman khawh le lak khawh a si le si lo cu NGO ah va ttuan ve phot hnik. Na tuan ballo i na theih lo bia si kho. Asiloah fir lei hi cu nai seihchiah ve hrim hrim dah si hnga. Na fir khawh cu ka zum tuk lo ____ CDF le dothlennak ruangah Laitlang ah NGO an karh i bawmhnak a karh rua tiah alangpar in na hnabei sei hih. Sei duh hlah.A zor tuk lehlam hih. Ka ca khi rel hmanh. Raldohnak um hlah sehlaw NGO hi a let in a karh ding a si. Ahohmanh raltuk le CDF ruangah a hlawk mi kan um lo.___Kei cu CNF ka si caah CNF Headquarter ah tamdeuh ka um ko.

Aizawl zongah ka um pek lo, a cancan ka tlawn ti dah lo. A herh can ah ralram kan tlawng ko.___”Tei awk a tha lomi nan doh” na ti. Vawleicung civil war vialte hi zoh ngat. Mipi nih an doh ngam caah an cozah le ralkap an tei cio ko. Kawl ralkap hi kum 75 kan doh cang i kan tei hlan lo kan doh ko lai. Tlangcungmi lawngnih kan rak doh i atu cu Kawl pawl zong nih an doh ve cang.Nangmah bantuk ralchia le phaisa mit lawng a aumi le dirhmun ngei lomi kan ram le kan miphun ah nan tam deuh caah kan dothlennak kan rauhmi le kan tei rih lomi a si ko. Kan tei te fawn ko lai i kan tei hlan tiang kan doh fawn ko lai. Dai te khan um law a tha bik lai.