Ramdang in hriam bawmhnak ngah ding cu a si kho rih loh!! - TIMES OF CHIN NEWS

Ramdang in hriam bawmhnak ngah ding cu a si kho rih loh!!

Ramdang in hriam bawmhnak ngah ding cu a si kho rih lo tiah ngiatlaitu hna nih an chim. US le EU nih Ukraine hriam an bawmh bantuk in Myanmar ram dothlennak phu pawl bawmhnak pek ding in NUG caan karlak President Duwa Lashi La nih November 30-December 1 tiang an tuah mi online biaruahnak ah bawmh a hal.

Cu biaruahnak ah thilser thiam pawl, phunghram a tialtu pawl telh in vawlei cung ram hruaitu pawl an i tel. Cu biaruahnak ah NUG caan karlak President nih mipi thahnawnnak an ton mi le harnak an ton mi a dih khawh zok nak hnga bawmh a hal hna hi a si. Cu bawmhhalnak a si khawh le si khawh lo nak kong he pehtlai in RFA nih ngiatlaitu pawl biahalnak a tuah mi hna a si.

U Kyaw Moe Htun cu UN ah Myanmar ram palai si rih ding in rian an khinh chap: UN nih SAC palai cu an cohlang lo i U Kyaw Moe Htun cu a rian pehzulh in khinh a si rih tiah NUG thawngzamhnak PVTV nih a chim.

December 12 ah an tuah mi UN meeting chung ah UN Credentials Committee nih U Kyaw Moe Htun cu a rianṭuan caan kumkhat samh a si tiah an thanh tiah a chim.

Credentials Committee nih fehter mi thawngthanhnak a chuak rih lo nain amah cu rian khinh rih ding in hnatlaknak kan ngek tiah U Kyaw Moe Htun nih VOA English ah a chim.

U Kyaw Moe Htun cu Myanmar ram palai ah riankhinh rih ding in Russia dah ti lo adang Credentials Committee chungtel vialte an hna a tla i Russia nih a hrawh lai an phan caah an rauhnak a si tiah AJ Jazeera thawngzamh nih a langhter.

UN he pehtlai in Myanmar ram palai U Kyaw Moe Htun cu NLD cozah nih rian an khinh mi a si i hramhram in uknak lak a si hnu zong ah Myanmar ram mipi hna he a dirṭi.

Cucaah SAC nih U Kyaw Moe Htun cu a rian in phuah a si cang tiah an thanh ko nain UN nih atutiang ah Myanmar ram palai si rih ding in rian an khinh.

error: Content is protected !!