Kahdohnak Fak Taktak A Chuak SAC Ralhrang 40 Leng An Thi I, PDF Ralkap 6 An Nunnak A Liam Ve!! - TIMES OF CHIN NEWS

Kahdohnak Fak Taktak A Chuak SAC Ralhrang 40 Leng An Thi I, PDF Ralkap 6 An Nunnak A Liam Ve!!

Kani Peng Ni 8 Chung Pehtlai In Kahdohnak Ah Ralhrang Thimi Le PDF Nunnak Liammi Hna!
Sagaing ramtthen Kani (ကနီ) peng ah December 19 in 26 nizaan tiang kahdohnak a chuak i SAC ralhrang 40 renglo an thi, tualchung hriamtlaiphu fonh PDF in minung 6 nih ramle miphun caah nunnak an pek tiah (National Revolutionary Guards) in Bo Maw Kuin nih a chim.

December 19 in SAC ralhrang tilawng 8 in an rakkai caah humhimnak a lakpiaktu hna ralhrang le a rakkaimi hna he ni 8 chung (nihin tiang) kahdohnak pehtlai in a chuak SAC ralhrang thimi kan theihkhawh tawkmi ah 40 renglo an si, tualchung hriamtlaiphu fonh in minung 6 nunnak a liam” tiah Bo Maw Kuin nih Khit Thit Media ah chim.

Relchap>>>>>Thantlang Um SAC Ralkap 2 An Hriamthil He CNA/CNF Sin Ah CDM An Tuah
===================
Chin ramkulh, Thantlang khuachung ummi SAC ralkap 2 hna cu December 24 zaan ah an hriamthil he CDF/ CNA sin ah an i zaam theih a si.
Thantlang khuachung CDF le CNA nih umhmun an khuarnak hmun ah an rak zaam, meithal 2 le kuanfang zong an i ken tiah theih asi.

SAC ralkap kuttang in a zaam mi ralkap 2 hna cu CDF le CNA nih lunglawm tein an don hna leng ah a himnak hmun ah a zaan an kalpi hna tiah theih a si.
Hakha le Thantlang kar ah a luancia November thla chung ah kahdohnak fakngai in a chuak i, SAC ralkap nih Jet fighter zong an rak hman.

SAC ralkap hna cu Hakha he meng 5 tluk aa hlatnak Timit tiang lawng an phan kho i Thantlang khuachung tiang tanglam in an kal kho rihlo.

Relchap>>>>>>107MM NDAA Dr. Mi Mi Winbard vs. Raldoh Loin Ralhrang TEINAK
NDAA cu Raldoh Loin Ralhrang TEINAK caah USA bawmhnak asi.
+++++++++++++++++++
Taiwan Ukraine Humhimnak bawmhnak aa tel caah Tuluk an buai tuk cang an thinhung tuk cang. NDAA cungah a zai mi hi SAC lawng an si lo. Russia le Tuluk hi a zai bik an si. Iran dohkalhnak zong NDAA ah aa tel ve. NDAA ah Ukraine bawmhnak cu USD 45 billion asi.

Vietnam, Afghanistan, Syria ral ah Russia ruangah USA ral an sung. Ukraine ah USA nih Russia cu an tei. Iran nih Russia cu an bawmh ko nain USA EU UK le ram 40 leng nih Ukraine an bawmh caah Russia nih a tei khawh ti hna lo.
2022 December 16 Zing Suimilam 8:41 ah, 107MM 5 in UG nih Mingaladon Rallokap Vanlawng Kudong cu an kah. 107 MM hi Tuluk siam asi nain Zaw Me Lung le MAH te an hohl ngam bak ti lo. TNLA ah ral an sungh mi zong Tuluk siam hriam ruangah asi ti cu an theih ko. 19 December 2022 ah PDF hriamnam Type-81 Autogun 499 le kuan 498 an tlaih mi cu Tuluk siam asi nain MAH a holh ngam bak lo. Uithih in a thi.

NDAA ruangah Rangoon USA Embassy Lutlai Ms. Deborah C. Lynn, Cu SAC nih Nipidaw ah an au i NDAA an cohlan lonak kong an chim. NDAA ruang ah a thin phan tuk i a thin hung mi MAH asi. USA, UK, EU le Nitlakram hna nih Kawlram um an miphun cu a leng ah i chawkvai loding meithal kah le bomb puak hnawh khawh nansi tiah ralrinnak an pek hna. SAC nih USA UK EU le Nitlakram Embassy an huat cang hna.

Dr. Mi Mi Winbard nih Raldoh loin kan Ralpa TEI awk ah Vanlawng chiahnak kah; Hriamnam Chiahnak kah le bomb puak hnawh; Diesel Petrol Zinan hmuh khawh lo in tuah; MAH te SAC le an minung phaisa lutnak um lo ding in tuah, SAC le MAH le an minung hna le an Co.Ltd Phihkarh dih ding, tiah an kan cawn piak.

Kum 2 chung Ralhrang Dohtu cu CHIN KACHIN KAREN KAYA SAKAI MAKUI (Tlawmpal) lawng kan si. Kawlte Ralhrang an doh ve rih lo, biatak tein le kan nih CHIN bantukin. 2023 kum ahcun, NUG Federal Ralkap le Kawlte PDF LDF nih Dr. Mi Mi Winbard Theory ning in kan cangvai khawh ve lawngah 2023 ah MAH kan thluk lai. 2023 MAH te thluk kum ah Chin Kachin Karen Kaya Sakai lawng nan kan rinh rih ahcun Ral kan tei tuan lai lo. Ni khat ah phu 10 tal nih ral kan doh ahcun Vanlawng in an kan kah cawk lailo. Voikhat vanlawng in an kan kah ah USD 1 million a dih. MAH Dollar a ngeih ti lo Leiba USD 30 billion a ngei. Russia nih Leiba an cawh i pek awk a ngei ti lo.

NDAA le UNSC biachah mi ruang ah Norway Financial Co. Ltd cu PPT/PPET Co .Ltd kawlram in an chuah cang lai. Japan Beer Co. Ltd Rikin zong an chuah ve cang lai. Kan ngunkhuai le kan miak mi in Mipi thahnak hriam le Zinan cawk nak ah MAH nih a hman caah kan duh lo an ti. Mipi nih ngunkhuai kan pek lo I, GZ Ralkap tu kan bawmh hna caah asi. Mipi nih Rallokap Siamchuak mi thil poah kan cawk lo caah Myanmar Beer Co. Ltd in Japan Rikin Co. Ltd aa ngawl hi asi. Meithal loin Mipi le CDMers hna nih MAH Ralhrang kan doh ve ning asi. NUG tu hi an hlawhtlin mi a tlawm le si ko.
Crd.. Joseph R. Thang

error: Content is protected !!