Video) Thinphang Tuk Si Cang: CNF/CNA Headquarters Camp Victoria le Tlanglo Khua Cu Ralhrang Vanlawng Nih A Hel: Video zong kan taar chih rak zoh ve hmanh!! - TIMES OF CHIN NEWS

Video) Thinphang Tuk Si Cang: CNF/CNA Headquarters Camp Victoria le Tlanglo Khua Cu Ralhrang Vanlawng Nih A Hel: Video zong kan taar chih rak zoh ve hmanh!!

November 2: (Video) Thinphang Tuk Si Cang: CNF/CNA Headquarters Camp Victoria le Tlanglo Khua Cu Ralhrang Vanlawng Nih A Hel: Video zong kan taar chih rak zoh ve hmanh.

CNF/CNA Headquarter Camp Victoria umnak Vanzangtlang thluan cu tuchun sml 11:30am hrawng in SAC ralhrang Vanlawng nih a rak hel.

Vanlawng nih hin sang nawn piin a hel i

voi 7 hrawng a hel tiah kan theih. “SAC ralhrang nih hin Camp Victoria siseh, Vanzangtlang thluan um tuning a rak dothlat le a si ttheu lai” tiah khuami pakhat nih a chim.

Atu hi avoi hnihnak a hel a si cang tiah a chim chap. Cun Khuadang mi pakhat nih Chin ramkulh, Thantlang peng Tlanglo khua cung in SAC ralkap Helicopter pakhat a zuang, tiah a chim ve I,

Nihin November 2 zing sml 11:30 hrawng ah SAC ralkap Helicopter pakhat cu Camp Victoria pawng a ummi Tlanglo khua cung ah ai hel len ko,” tiah a chim.

Tlanglo khua ram chung ahhin CNA an Headquarter  Camp Victoria  cu a um um cucaah thinphang a si ko e tiah khuami pakhat nih cun a chim (Atang bak ah Video kan chiah).

SAC Ralkap Nih Khualtlawng Mi An Dirter Hna I, An Cycle Ah An Phone Battery An Tun Hnuah An Kalter Hna

Chin ramkulh, Hakha Cawbuk sang check gate hngak SAC ralkap nih khualtlawng mi hna cu an dirter hna i, anmah an phone battery an tun hnuah an kalter hna, tiah theih a si.

Khualtlawng mi pakhat nih, “Ka pi a dam lo ruangah Hakha ah kan kalpi i cawbuk check gate kan phak ah ralkap nih sentari an cawnghnak buk tiang rak kai u an kan ti caah kan kai, sau nawn an kan hren hnuah kan lan kho ṭhan,” tiah a chim.

Kan phone an kan check hnuah khoika in dah nan rat tiah an kan hal. Nan cycle ah ah kan phone battery kan i tun ta lai an kan ti i, an i tun ko. Minutes 15-20 chung hrawng an i tun hnuah kal cang ko u an kan ti i an kan thlah,” tiah khualtlawng mi pakhat nih The Chin Post ah a chim.

Hakha mei a rawh ruang ah a si lai, ralkap zong phone battery an ngei ve lo, an van a sang ngaingai. Ka pi dam lo ruangah hnawhnam ngai in Hakha kan kalpi i, atu bantukin harnak an kan pek i kan cycle ah an phone battery an i tunmi hi cu a poi ngaingai ko, tiah a chim chap.

error: Content is protected !!