Ram pahnih North Korea le South Korea ram 2-karlak ah idoh nak achuak than cang Missile hmang in vawi tampi an kap chuak veve cang!! - TIMES OF CHIN NEWS

Ram pahnih North Korea le South Korea ram 2-karlak ah idoh nak achuak than cang Missile hmang in vawi tampi an kap chuak veve cang!!

North Korea le South Korea ram hna cu nizan zing ah khan missile hmang in an ikap hna, North Korea nih cun, missile hi kapchuak hmasa in, an kah chung in pakhat cu South Korea-Sokcho khuapi in, km 60 te ah tipi ah a tla khi asi, mah cu South Korea lei nih leh ve cawlh in, air-to-ground missile 3 an kap chuak ve cawlh, hi missile-hna hi North Limit Line (NLL) chak lei tipi ah a tla kha asi, North Korea nih South Korea le US-nih joint military drill an peh peng asi ah cun, a man an hmuh te lai tiin warning a pek cawlh.

Nizan in hram thawh asi missile hi khuachak le khuathlang lei ah 17 hrawng akap chuak tiin, South Korea official-hna nih an chim, SKorea president Yoon Suk-yeol nih cun, NKorea cwalcang ning hi cu, fak nawn in soisel asi pin ah fak ngai in lehrul peng ding kong a chim ve fawn, mah hnu ah hin South lei nih hin missile 3 hi an kapchuak ve cawlh than khi asi.

North lei missile kahchuah chung ah hin, short-range ballistic missile a tel tiin, South Korea Joint Chief of Staff (JCS) nih a chim, NKorea missile kahchuah ruang ah hin, Ulleungdo-ah mipi hna ralrin ding ah theihter nak alarm pek asi, an naihnak bik vawlei tang lei ah himnak ding an tuah mi ah, kal/lut ceu ding ah theihter an si tiah theih asi.

East Sea lei ah, Sea of Japan tiah an chim mi ah air-route cheu khat zong a khar manh khi asi, Local airline-hna zong Japan le US lei ah kal ding, khualtlawng mi hna himnak caah, an vanlawng hna lam zong thleng ding in, an chim piak fawn tiah news report ah langhter asi.

 

error: Content is protected !!