Sagaing ramthen Pale myone ah a ummi Pale myomah palik sakhan cu mipi ralkap hna nih an luhhnawh hna I an kah hna caah ralhrang 5 an thi tiah theih asi. Novemebr ni 3 zan suimilam 10:20pm ah Pale myone Pale myomah palik sakhan cu hmun um mipi ralkap hna nih an luhhnawh hna I faakpi in kahdohnak a chuak I, ralhrang lei in minung 5 an thi tiah theih asi.
Acunglei langhter mi palik sakhan cu Yinmapin district Battalion 28 Damasan ralkap DMS le an hawile hna nih an luhhnawh hna I an kah mi hna asi I, mipi ralkap lei I khawndennak um lo tein hnu an kir than kho tiah DMSA phu nih thawngthanhnak an tuah. Cu bantuk thiam in Kaya ramthen Pharusu khuapi ah a ummi ralhrang riahbuk hna cu mipi ralkap nih an kah hna I, ralhrang lei in 2 an thi tiah theih asi.
November ni 3 zinglei suimilam 11:30am ah KNDF B-04 le KA ralkap phu hna I komh in khah-mah-yah 428 ralhrang sakhan hna cu sniper in an kah hna I ralhrang 2 an thi tiah KNDF B-04 nih thawngthanhnak an tuah.