Mandalay Nu sizung in CDM a rak tuahmi Nurse Sayama Daw Poe Thandar Aung cu PDF siai na bawmhchanh hna ti ruangah a liamcia october 29 ahkhan ralhraang nih an rak tlaih. Hi sayama nu hi ralhraang nih an hremnak ah a thi cang tiah ngandamnak zunglei a ttuanmi pawl nih MFP thawngla hna sinah an chim. Amah he aa naihniam mi nu pakhat nih “ralhraang nih dothaltnak an tuahnak hna hmun ah a thi cang tiah thawngpang a chuak. Confirm tuah khawh tu cu a si rihlo. Ralhraang dothlatnak hmun ah a thi tiah thawngpang a leng” tiah a chim.

CDM Doctor Zaw Thura zong nih “nurse sayama Daw Poe Thandar Aung ralhraang dohlatnak hmun ah a thi cang tiah thawngpang kan theih. Nurse nih nurse rian a ttuan ruang i thah cu hika ram lawng ahhin a um. A caan tling cang nain pesen a la duhlo mi ralhraang pakhat ruangah kan ram piin harsatnak fak kan tong hna. Kan ral nih kan ral si nak fiang tein an langhter in zeipaoh kha an tuah ngam thluahmah. Kan nih nih tah zei kan tuah. A thi mi hna an rian pawl nangmah le keimah liang cung ah a phan ve tiah i ruat. Sayama Daw Poe Thandar Aung upatnak sang bik kan pek” tiah ca a rak ttial ve.

Aliamcia october 27 ahkhan tangka fir duhah lam a khammi ralhraang pawl nih thil phor motor pakhat an rak tlaih i siai an rak hmuh caah PDF siai nan bawmh hna tiah tangka duh ruangah lih thawngpang an rak thanh i cu ruang ahcun Mandalay ngandamnak zunglei in CDM a tuahmi minung 30 leng ralhraang nih an rak tlaih hna. Sayama Daw Poe Thandar Aung te phu hi a liamcia ocotber 29 ahkhan tlaih an si tiah thawng an rak thanh. An tlaihnak thawngpang a chuah zarh hnih luklak te ah ralhraang nih an rak thah hi a si. Credit:Sp