Ram mi asi mi poh ralhrang Leader Min Aung Hlaing nih Feb 2 meeting nak ah chim asi, ram chung minung hna nih Ralkap riantuan sidih ding asi tiah ati, kum 2, kum 3 maw ralkap riantuan ding asi, ram chung umtu ning zoh ah hin ralkap rian tuan hi aher taktak mi asi, kum 2 chung in Upadi chuah kho ding ah tuah asi lai tiah ati, nawl la kasi hnu ah ralkap lut an um tilo caah, ram pakhat venhimnak ruang ah athi mi tampi an um cang, mah caah cun ralkap thar ngeih aher pin ah hriamnam tuah aher tiah tuaktan mi asi ati.
Yangon Lawyer U Kyi Mint nih cun Democracy aduhtu pawl nih Ralkap riantuan ding ah kana uh ding asi lo, a ho dah kana uh lai? Mah catlang tar mi hmanh USDP ningcang in ralkap tuanter ding ah mipi tangka  he kan mah akan doh than lai minung nunnak zeizat dah kan hlonh than lai, nan tuan lo awk tha lo tiah hramhram in kan tuanter lai tim bia hi ram chung nawlngeihnak hmang ding ah tuaktan nak pakhat asi tiah ati ve bak ko, ralkap rian tuan lo awk tha lo tim Upadi hi nawllaktu hlun U Tan Shwe kut tang ah 2010 in tuah asi cang, nain hman asi lo ati, mah lio ah Lawyer pakhat U Aye Maung nih mah Upadi hman ding ah hin President sent huh a her lai tiah arak chim cang mi asi, mah ralkap Upadi nih atimh mi cu ram pakhat le pakhat karlak ah venhimnak asi, atu ah cun ram pakhat le pakhat kar lak si lo in, kan mah le kan mahi doh nak ding thil asi tiah theih asi.
U Tan Shwe can lio ah khan Ralkap riantuan ding ah Upadi chung ah kum 18 in 35 tiang mipa, kum 18 in 27 tiang nu hna nih ralkap rian tuan ding asi, Dr le Engineer asi lo ah cathiam le experience ngeih cang mi hna mipa ah cun kum 45 tiang, Nu ah cun kum 35 tiang tuan asi lai tiah an timi asi, atu ah hin kum 2-3 tiang atlawm bik ah ralkap riantuan ding ah tiah an chuahpi mi cu, tuan duh lo mi hna cu hremnak ding ah kum 3 in kum 5 tiang thawng thlak khawh asi lai tiah an ti, Min Aung Hlaing nih nawl alak hnu ah hin ralkap hna hi an tlawm chinchin cang caah, an duh ning in rian an tuan khawh ti lo khi asi, mah Upadi an chuahpi mi cu ABSDF siangngakchia hna nih an duh ve bak lo pin ah Min Aung Hlaing nih ralkap atlawmtuk cang caah ram chung hmun kip ah mit au ngam ti lo in atu bantuk arak chuah mi asi tiah ati ve bak cang.
Ahlan ah cun Officer ding ah minung 700 hrawng hna nih DSA ah application an pek tawn atu ah cun DAS application pek mi minung 70 longte nih a pek cu mu! Officer range ah lut ding hmanh minung an hmuh lo ah cun ralkap ding ah khawika minung dah an hmuh lai tiah analysts hna nih an chim, Min Aung Hlaing chuahpi mi cu fiang tein Mr Zaw Min Htun cu an hal an leh mi ah mipi hna nih mipi venhimnak ding ah an dir hna cu Sagaing region ah an tuah cang ko, mah hna chung ah riantuan hi mipi nih an duh deuh tiah ati, Mandalay tlangval pakhat kum 27 asi cang mi nih cun ralhrang tang ah ralkap katuan duh lo tiah RFA sin ah arak chim fawn khi asi, mah nak in mino hna nih NUG ralkap ah lut an duh deuh tiah mipi lei in theih asi, NUG le Ethnic tlangcung mi hna fawnh in atu ah atlawm bik minung 2200 hna nih NUG ralkap ah an lut cang, NUG nih an thanh mi ah ralhrang hna hi thlakhat ah hin minung 1100 leng hi thi peng bantuk asi tiah an cathanh nak nih an langhter khi asi.