Good News; U.S le Autralia ah kal a duh mi hna caah thawngpang tha kho taktak!! - TIMES OF CHIN NEWS

Good News; U.S le Autralia ah kal a duh mi hna caah thawngpang tha kho taktak!!

Kawlram In U.S Lei Ah Visit Visa In Kal A Duh Mi Sok Khawh A Si Cang!!’
U.S visit visa cu Kawlram in sok a ngah cang. $150 in Service peek hram kan thawk tiah, Pu Pate nih a facebook cahmai ah a tial. Pehtlainak Phone-09972605265. US visit Visa Kawlram in Shiok a ngah zo. $150 in Service kan pe thok. 09972605265 ah ap theih a si. Crd-Pu Pate.

December 15 @ 3:00 p.m. thawkin Consular section cu 2023, January 3 in April 27 tiang Nonimmigrant visa (NIV) caah visa interview appointments hun a si lai, tiah theih a si. Visit visa ah chungkhat um lo zong in kal a ngah ko tiah, theih a si. Visa fees hi $160 a si ii Service fees hi $150 a si, tiah kan theih.

Australia visit visa ca’h zongah Fees hi $150 a si ve thiamthiam. Crd-Pu Pate. U.S ah visit visa in kal a duh mi le Australia ah visit visa in kal a duh mi hna nih pehtlainak Phone-09972605265 ah hin pehtlainak rak tuah cio uh. Nan kal kho cio dih ko lai, tiah zumh nak ka ngei.

Yangon Tiva Ah SAC Ralkap Caah Petrol A Phortu Tilawng In Puahkehnak A Chuak I A Kaang! Yangon ramṭhen, Yangon tiva ah petrol a phortu tilawng pakhat chung in puahkehnak a chuak i, tilawng a kangmi mei cu meithat tu hna nih an hmih, tiah theih a si.

“Nihin November 10, chunhnu suimilam 2:35 ah Yangon ramṭhen Botahthaung peng Linsadaung hleidonh pawng Yangon tiva chung ah SAC ralkap hna caah petrol a phortu tilawng pakhat in mei kanghnak a chuah caah meithat lei rianṭuantu hna nih an hmih,” tiah pawngkammi hna nih cun an chim.

Tualchung mi pakhat nih cun Yangon tiva ah petrol a phortu tilawng chung in puahkehnak a chuah hnu in mei a kangh hi a si, puahkehnak thawng nih a pawngkam cu a hninh dih, tiah a chim.

CDF-Paletwa Ralkap Hna Nih Angki Lum Le Puan Bawmh An Herh, Khuasik a hun tlak cang bantukin lum tein um khawhnak ding ca ah puan le angki lum kan herh hringhran ko, cu lawng si lo in dohthlennak ca ah a herhmi thilri dang zong kan herh chih tiah CDF-Paletwa nih an Fb cahmai ah an langh ter.

”Hmunkip um nu le pa hawikom dawt hna nih mah le si khawh tawk cio nan kan bawmh nak lai thawng kan in thanh ko hna,” tiah bawmh an herhnak an langh ter. Pehtlaihnak: 09346119443, 0934021057 Email: [email protected] com.

Thaton PDF Nih Ralhrang Nih An Tlaihmi Hna Mipi An Khamh Hna, Mipi a tlaitu Thaton(သထုံ) peng No(9) raltuk cawnnak ralkap bu i battalion commander-2 Major Chit Win Thu le a hawile hna cu Thaton PDF nih an kah hna i Major Chit Win Thu telh in ralkap (3) an thah hna i Mipi an tlaihmi hna zong an khamh khawh hna. Hriamnam zong an lak chih tiah theih a si.

Nihin zingka sml 5:30 hrawng ah Mipi an tlaihmi hna a phortu mawtaw cu Thaton PDF nih an kham hna i an kah hna. Ralhrang lei in Major Chit Win Thu telh in minung (3) an thi i hliamhma he pakhat a zam manh. Mawtaw cung ah hriam zun(3) le tangka sing(23) an lak chih tiah Khit Thit Media nih a langhter. Ralhrang hna nih an tlaihmi mipi hna cu Thaton PDF nih an khamh khawh hna tiah theih a si.

SAC Hriamngan Nih A Rak Khenmi Hna Tarnu Le Kum (3) Ngakchia Nu An Nunnak Caah Thinphang A si, SAC ralhrang hna nih sulthonglo in hriamngan an kah ruangah Sagaing ramṭhen Wetlet(ဝက်လက်)peng Shein Ma Kar(ရှိန်းမကား) khua mi minung (1) a thi i kumthum hrawnglawng a si rihmi ngakchia telh in minung(3) hliam an rak tuar. Hlaim tuarmi chung in tarnu le ngakchia nu an ceihma ngai tiah theih a si.

Sikpar 7, zaan sml 7:50 hrawng ah Wetlet peng Shein Ma Kar khua i ralkap sakhan in hriamngan an kah ruang ah khuachung inn pakhat ah a tla i minung (4) kuan nih a khen hna. Hriamngan kuan khennak in nu pakhat a thi. Cun kum(60) hrawng a si cangmi nutar pakhat le kum(40) hrawng a si mi pa pakhat le a thimi nu i a fanu kum (3) ngakchia pakhat ti in minung pathum hliam an tuar.

“Hliam a tuarmi pa cu a ṭha deuh ngai cang. Nutar le ngakchiate tu cu an ceihma ngai ko. An nunnak ding kong ah chim khawh an si rih lo, thinphang an si ko” tiah နဂါးနီပျောက်ကြား ralkap bu i an commander(ဗိုလ်ကောင်းကင်) nih a chim. Hliam a tuarmi chungkhar hna hi lothlo miharsa an si caah an i thlopnak hi dothlennak a tuahtu hna nih bawmhchanh le thlop an si tiah theih a si.

Facebook Ngeitu Meta Company Rianṭuantu Minung 11,000 Leng Dinhter An Si Lai!, Facebook, Messanger, Instagram le WhatsApp ngeitu Meta Company chung i rianṭuantu minung 11,000 leng cu dinhter an si lai, tiah theih a si.

Hi biachahnak tuahmi nih hin atu lio kan hman ngai mi Online Apps- Facebook, Messanger, Instagram le WhatsApp te pawl zong a hnursuan pah lai i, anmah Meta Company chung i an rianṭuannak zong zatuak ah 13 cu a tum kho ding mi thil a si. Cu pin ah Meta’s Team pawl zong a hnursuan pah ngai lai, tiah ruahdamh a si.

Meta Compay’s CEO Mark Zuckerberg nih cun hi thil a cang ding mi a tuartu ca ah a fah lainak kong le a hlei in hi thil cang dingmi nih a hnursuan ding mi rianṭuantu hna cung ah a lung ṭhatlonak bia zong a chim pin ah hi biachahnak kong ahhin ṭuanvo lak ai timhnak bia zong a chim chih.

 

 

error: Content is protected !!