Tuluk communist 20nk party conference cu dih lei a panh le official in thawngthanh si rih lo nain Xi Jinping nih kum nga peh rih ding in dirkamhnak fek an pek cang. An conference lio pi ah president hlun Hu Jintao cu a duh nalo tein an hruai i an chuah lio hmanthlak nih vawlei cul. A ruang fiang in theih a si lo nain an party i rank sang dirhmun in an phuahmi hna lakah ai tel. Cu lawng si lo Prime Minister tuan liomi Li Keqiang zong hruainak lei rank sang dirhmun in thlak a si i a dang Rank sang (top leader) pathum hna cu Wang Yang, Li Zhanshu le Han Zheng an si. Pahnih cu pensen an pek hna.
An conference ah Xi Jinping dirkamhnak i an hnatlakmi pakhat cu Taiwan hi amah dang tein Tuluk in a chuak kho lo, Tuluk ah kan khumh than hrimhrim lai timi a si. Mah kong ahhin Xi nawlngeihnak an pehter timi ruahdamh khawh ngai a si. Rasia nih Zukarin a tukmi cu Xi Tuluk nih tha a pek i a dirkamh. Cu bantuk cun Taiwan zong tuah ve ding ai timh caah si. Xi Jinping nih tutan an party conference hlan thla hnih ai duh ah inn ai erhkhumh i a kuttang pawl nih Xi caah dawnkhantu a si ti ruahmi pawl an tlaih hna, tazacuai le thongthlak asilole an rank an thumh hna. Conference chung hmanh ahcun Xi bia a aldeuhmi paoh chuah an si tiah Guardian le BBC nih an tial. Credit: Si bawimang Lian