UFC Icon Khabib Nurmagomedov ring girls hna cungah dawh lotukin le ngeihnuam lo tukin bia a chim caah mipi nih fakngai in soisel a hlawh ti ah theih a si.Boxer Angelina Semevova le Octagon girl Arianni Cheleste hna nih cun UFC star hi ring girls hna kongkau ah bia dawh lo tete a chuah caah fak ngai in an khap ti si.
UFC star ropui record 29-0 tiang a ngei khomi Russian finghter nih cun naite ah khan promotional event ah UFC ring cung i nungak zei taktak mi hna pawl cu amah ruahnak veah cun chiah a hau lem lo tiah a chim.A mah chim ningah cun nu hna hi zei bantuk kong hmanhah rem lonak le thlei dannak ka ngei lo i nu hna hi pa he ai rualin sermi kan si i asinain ka ruahmi ah cun MMA i ring girls an um mi hi a herhnak a um lem lo tiin a chim.
Hi a bia chimmi nih hin Boxer le UFC Octagon simi Angelina cu a thinghung ngai i khabib cu fak ngai in a leh colh ve ti theih a si.Angelina nih cun len tecelhnak kongkau ah Khabib nih a ruah ning a chim mi pawl cu a thing kho taktak tiah Metaratinas a chimh ti si.Tuah cun kum zabu 21nak chung kan lut cang i nu hna nih hin pa bantukin diknak canvo kan ngei ve tiah a chim.
Hi pinah hin Angelina nih cun Khabib cu Dagestan lei chuakmi a si caah hin amui le a sining zong nih hin hi bantuk thinlung put thing tukmi hi a ngeih ternak zong hi a si ko lai tiah fak ngai in a van ti chapmi a si. Milar le minthang hna cu an konglam le an bia kaakhat hi vawleipi nih theih a duh i biapi ah a chiahpiak ve hna ca zong ah a si fawn tiah chimceih a um ngai fawn.