Matupi Ah Zaan Chuahlo Ding Nawl An Chuah, Pumhnak Tuahlio Ah Pastor 2 Le Mino Cheukhat Checkhlat An Tong
Chin ramkulh Matupi ah penghuap fimcawnnak zung lutlai thah a ton ni thum luan hnu 2022, October 19 ah Saya U Tin Luai te inn pumhnak an tuahlio ah mino paoh an khup an bilter hna hnu ah an tuk hna, cun bia halnak an ngeih hna. Pastor 2 zong an hmai ah an bengh hna hnu ah bia an hal hna, cun mino cheukhat cu palik sakhan ah bia halnak le checkhlatnak tuah ding in an kalpi hna tiah theih a si.
Matupi khuachung Ngala sang le Lawngvan sang ah zaanlei suimilam 6:00 thawk in leng chuahlo ding nawl an chuah, asinain sang dang tu ah cun cubantuk zulhphung/nawl chuahmi cu a um rihlo tiah tualchung mi pakhat nih a chim. Cun Paletwa gate lei ah cycle he khualtlawng mi 2 tlaih an tong i palik sakhan ah an kalpi hna tiah theih a si. TCP