Sagaing ram then, Yinmabin Peng le Pale Peng ah October thla chung SAC ralhrang nih mipi sawh sawh minung (30) leng voi (2) mei an khangh cang tiah theih a si.

October 21 ni, Yinmabin Peng, Shwe Hlan khua ah ralhrang minung (50) hrawng nih hram hram in an luh hnawh, mipi sawh sawh minung pa (3) le PDF minung pa (12) mei an khangh hna.

Mah Yinmabin mei an khangh mi ah, fa pawi lio mi pakhat le tar nu pakhat zong an i tel. Motor cycle pa (9) le inn pa (10) mei an khangh chih.

October 25 ni, Pale Peng ah SAC ralhrang nih helicopters pa (5) hman in Pale Pa Kha Hpa zung an kah lio ah, PDF nih an tlaih mi thong tla minung pa (12), taang (8) a cawng lio mi pa (1) le mipi sawh sawh minung pa (3) an kah that than.

October 27 ni thawk in Pale peng ah kah doh nak a chuah ruang ah, ralhrang lei minung (30) leng an thi, ral tuk an sung ruang ah, Monywa lei ah an kir than.

Pale PDF pawl Pa Kha Hpa zung an rak rat cun, ralhrang nih thong a tla mi pa (12) telh in, an ruak an khangh mi cu an hmuh.

Ralhrang nih Pale Peng ah Inn pa (10), Probox mawtawka pa (1), laptop, printer hna le a dang thil ri an khangh mi telh in ting 2000 man hrawng an khangh piak hna tiah theih a si.