Kawlram Magway ramchung Pakkoku township, Kanhla khuaah nizan ralhraang pawlih tlangval pahnih kum 20 hrawng an tlaih hna. An tlaihmi hna hi Bung Thet Kyaw le Aung Pyay Sone hna an si i, Pakkoku khuapi panh in an kal liopi Kanhla khua security gate-ah an check hna i an tlaih hna hi a si. Tlangval pakhat cu an an check lio ahhin fakpi in an vuak hmasa, mah thanwgpang hi anmah news a si mi- Fifty Two nih an hmanthlak he an hung tar hi a si.REL CHAP RIH >>>

Thantlang Peng, Zahnak tlang Ralpel khuami Pu Deng Thang cu innlak a lennak ah zuu ding mi hna he sikvelhnak a chuak i Pa Lalpanlian nih nam in hmun thum ah a sawh caah a nunnak a liam, tiah kan theih. Hi kong he pehtlai in khuami pakhat nih, “Atu bantuk in thil a can hi October 20 suimilaam 9:00PM tluk ah a si. Inn lak ah a leeng i zuu a ding mi hna he an i tong. Zuu a ding mi hna he cun bia an i al.

I sikvelhnak a chuah hnu Pa Lalpanlian nih atu bantuk in nam in a sawh i a nunnak a liam hi a si,” tiah The Hakha Post ah a cim. Lai a nawngtu Pa Lalpanlian cu Zahnak Area CDF Palek nih an tlaih i phung ning tein tazacuai le bia caih dingin thonginn ah an hren tiah kan theih. Pu Deng Thang hi, a orhlei kutbor, a hngawng le a orhlei hnuk tang ah naam hma a tuar i, a hma fah a celh lo caah suimilaam 11:00pm ah a nunnak a liam.