CNO/CNDF Cu CJDC In An Chuak Chung, Zeiruangah A Si? Chin National Organization (CNO)/Chin National Defense Force (CNDF) cu Chinland Joint Defense Committee (CJDC) in an chuak chung tiah theih a si. Cu an chuah chungnak ca cu Oct 18, 2022 ah CJDC sinah an rak pek cang. Cu an ca chungah cun CJDC in an chuah chungnak a ruang cu CDF-Hualngo cawlcanghnak ah CJDC nih zeihmanh hmalaknak an tuah lo caah a si tiah an langhter.

CNO/CNDF nih Falam peng chung dihlak ukhruainak rian an ṭuanmi kongah CDF-Hualngo nih hnahnawhnak an pek lengmang hna. Cu pinah CDF-Hualngo nih CJDC ah chungtel kan si tiin hrocernak bia an chim lengmang. Cun CJDC nih CDF-Hualngo cu chungtel sinak in an dinhter chung ko hna nain Chinland Council (Chin ramkulh cozah) dirhnak le phunghram sernak kongah CDF-Hualngo cu zalong tein an i tel peng i cucu CJDC nih fianghlang tein hmalaknak an tuah lo caah CJDC hruaitu hna cungah zumhnak kan ngeih khawh hlan chung kan chuahnak a si tiah CNO/CNDF nih an langhter.