Chinmi Pu Zaw Ni Le Pu Bawi Kham Ralhrang Phuysaw Htee Nih An Tlaih Nak Hna Thawngpang Thar! - TIMES OF CHIN NEWS

Chinmi Pu Zaw Ni Le Pu Bawi Kham Ralhrang Phuysaw Htee Nih An Tlaih Nak Hna Thawngpang Thar!

Lungcawi Khuami Pahnih Cu Niruk Chung Pehtlaih Khawh An Si Ti Lonak kong le thawngpang thar. Chin ramkulh, Hakha peng Lungcawi khuami pahnih cu kawl lei ah Ar phiar dingin an kal ni thok in nihin tiang pehtlaih khawh an si ti lo.

Lungcawi khuami Pu Zaw Ni le Pu Bawi Kham(chuah kehnak Lamtuk) cu kawl lei ah Ar phiar dingin a luancia October 3 lioah cycle in an kal i, nihin October 8 tiang chungkhar nih an pehtlai kho ti hna lo, tiah theih a si.

Shwebo khua ah Ar phiar dingin October 3 ah an kal i cu ni ah an chung le nih phone an chawnh hna i, kawlmi nih an tlaih nain phone cu an phih ṭhan colh peng i, nihin October 8 tiang pehtlaih khawh an si ti lo. Pu Zaw Ni le Pu Bawi Kham cu Gangaw peng Hnankha khua PDF check gate an phanh tiang theih a si. Cu hnuah khoika lei dah an kal ti cu hngalh a si ti lo.

Cheukhat nih cun Hnankha khua pin lei hi cu pyusawhti le SAC ralkap an tamnak hmun a si caah an thah khawh men hna, tiin an zumh ko nain thawng fiang theih a si lo. Social Media ah pyusawhti nih an thah hna timi thawng fiang lo a len caah Pu Zaw Ni le Pu Bawi Kham hna chungkhar cu an lungre a thei, tiah theih a si. Credit: The Chin Post

error: Content is protected !!