CDF-Mara Le MDF/MATC Karlak Buainak Nih Zual Lei Apanh Chin Lengmang Ruangah Dr.Sasa A Thinphang Ngaingai Cang! - TIMES OF CHIN NEWS

CDF-Mara Le MDF/MATC Karlak Buainak Nih Zual Lei Apanh Chin Lengmang Ruangah Dr.Sasa A Thinphang Ngaingai Cang!

CDF-Mara le MDF/ATC karlak buainak nih zual lei apanh chin lengmang ruangah Dr.Sasa a thinphang ngaingai cang. Mah kongah Dr.Sasa nih Mara mipi sinah nawlnak ca a tial. A catial cu hitihin asi- “Mara le Mara karlak buainak kongah vawlei hmaikhap lo tiang in kan lung afak. Keimah le Mara mipi hmanh nih hitluk in kan lung afah ahcun mi vialte hi zeitluk khin dah an lung afah cio hnga ti hi minung bia le hmurka nih atlinh lai lo. Mah buainak hi mei bantuk in a kaang khomi buainak asi caah atu te hin kan daihter khawhlo ahcun nichuah Mara le Nitlak Mara karlak buainak ah acang khomi asi, khuakhat le khua khat karlak buainak pinah kanmah Mara chungkhat a kan thentertu ah a cang kho.
Dr. Sasa meets community groups in Hakha for flood victims – Khonumthung  Media Group
Adonghnak ahcun hi buainak nih hin kan biaknak le thithruainak kongah kan neih mi Phu pawl karlak tiang ithencheunak ah acang khomi asi. Cu caah hi buainak daihter khawhnak dingah Mara mipi kan dihlak tuanvo asi. Mah buainak nih hin Myanmar rampi nih Democracy a hmuhnak dingah pakhat hmanh thathnemnak a ngei lo.
DR.SASA, THE UNION MINISTER OF INTERNATIONAL COOPERATION, SPOKESPERSON OF  NUG, FORMER MYANMAR SPECIAL ENVOY TO THE UN ADDRESSES THE EVENT OF  CANADA... | By Dr. Sasa | FacebookMarapa buainak daihternak dingah miphun dang an si lo, Marapa thiamthiam asi ko. Marapa kut thiamthiam ah buainak a um bantuk in Marapa kutchung thiamthiam ah remdaihnak zong a um. Buainak hi mei bantuk in chikhat teah a kang khomi thil asi caah mizeipoh kan biachim holhrel kan I sum hna lai.Kan thinlung ruahnak vialte zong tangdornak te he um hna usihlaw, Pathian sinah kuk bilin thlacam cio hna usih
Dr Sasa and Baroness Cox - A Story of Health and Hope - Humanitarian Aid  Relief Trust
Hruaitu lutlai le lungfim nu le pa vialte he caan kan hmuh hmasatnak bikah ton biaruahnak kan nei hna lai I, cutikah cun remnak a um khawhnak hnga khua kan khang tti hna lai. Pumkhat kan sinak hngalh buin pakhat le pakhat aa dawmi miphun kan si timi theih bu tein hmailei fong chin hna usihlaw, hibantuk buainak hi kan tei hrimhrim awk asi.
Dr Sasa and Baroness Cox - A Story of Health and Hope - Humanitarian Aid  Relief Trust
Bawipa nih lam a kan hruai lai I, Myanmar rampi dohthlennak cu kan tei hrim lai I, Freedom, mah tein khuakhan lairelnak kan nei te hna lai. Federal Democracy cu Bawipa nih a kan zaangfah lai I kan hmu ko lai. Cutikah Mara ram zong hi mah tein I uknak/self-determinations ram asi te lai. Kan nunnak pek in kan ram le miphun caah kan tuannak vialte hi Bawipa nih thluachuah a pek lai I, kanmah nih kan tuan khawhmi pinlei tiangin thluachuah a kan pek te lai.

Dawtnak, remnak, zaangfahnak , ngaihthiamnak, pumkhat sinak te hna hi Kan Bawipa Jesuh sinin a rami lawngte an si timi theih bu tein minung lei kap zohlo in Pathian tu hi Mara mipi vialte nih zoh hna usih. Cuticun, remnak a kan pek lai, dawtnak, theihthiamnak, le pumkhat sinak cu a kan pek ko lai. Pa, Fapa le Thiang Thlarau pumkhat sinah cu Mara ram le Mara mipi dihlak cungah tlung ko seh”.

error: Content is protected !!