KIO dirhnak kum 62 a tlin, puai an tuah lio ah Kawl ralkap nih ngaihthlem in bomb vanlawng (3) in a thlak hnawh hna. Nihin tiang thawng an thanhning ah 80 renglo an thi, hma pu mi antampi. KIO lei in upa a thimi cazin ttha tein thanh si rih lo. A thil tuahmi he pehtlai in ramdang cozah nih mawhchiat a tong, ka tong lai ti zong cu a rak i theih. Si ah ziah a tuah.
(1) KIO hi atu dothlennak ah a biapi cem phu si tiah a palh lai lo. KNU nih NUG le NLD minung tampi a ramri ah a zohkhenh hna. Asinain, KIO hi hriamlei ahcun atu dohthlennak ah thazaang chuahcem a și. NUG i northern command zog hi.
amah nih a tleih. PDF pawl zong hi KIO sin training kaimi cu an i uang khun. Cu tikah ralkap cozah nih cun rul i a lu bantuk ah a hmuh. (2) Kawl Ralkap nih NUG le hriamtlai phu he international pawl duhning in biaruah a duh rih lonak a laughter. Bomb a thlak ruangah mipi le KIO an thin hang chinchin lai timi a theih, cu thinhang nak nih hriamtlai pawl biaruahnak an ra duh lai lo timi a theih. Ralkap nih a duhmi cu biaruahnak hi
(amah duhning a si lo ahcun) um hlahseh, thimnak (election) tu ah ka kal pi hna lai ti a duh. A fawinak cun international community le cheukhat mipi duhning in kal kho hlah seh, keimah lam kai sial ning in ka kal lai ti a duh. (3) Tlangcung hriamtlai phu warning pek a duh. A fawinak cun tlangcung hriamtlai phu hi
tutan ralkap dohnak ah a biapi cem an si. Kawl ralkap le NUG nih anmah lei ttang dingin an i cuh hna. A fawinak in chim ahcun fak deuh in nan bawmh le ttan si ahcun bomb kan i thlak hna lai timi warning pek an duh. Aho mawhchiat zei ka rel lo, a herh ahcun ka tuah rih lai timi bia pek a duh. (4) Ramdang cozah nih hriamtlai phu tha pek a tthawng chin la. Mah ka chim tikah vanlawng kahnak, or hriam pek tbk ka ti duhnak si lo. Asinain,
adang bawmhnak (humanitarian siseh), adangdang hmuh rih lomi tampi a ra kho. (5) KIO le adang phu nih zeitin an lehrulh lai. A fiangmi cu
anmah KIO chungah zeitin dah kan lehrulh lai timi fak ngaiin bia an i ruah hna lai. A thinhang mi pawl nih fak piin leh an duh la (NPT hrawng hna bomb puah, ralkap assembly lio hna kah tbk). Cu nih cun NUG a strategy zong tampi a shape la.
SAC ralhrang vanlawng kahdohnak in a nunnak a liammi Kachin kan unau pawl miruak 60 hrawng nihin ah hitihin an vui cang hna.Atu an vuinak hna hmun hi
Phakanh peng Kaansii khua a cunglei Bawshadii hmun ah an phum hna. Atu miruak minung 60 renglo an vui pin hna ah hin khuami ah kalnak ding Sii thlopbulnak nawl SAC ralhrang nih an phih caah thisen tamtuk chuah ruang ah
a nunnak a liam chapmi zong an um i, an zapi in a nunnak a liammi hi minung 80 hrawng an si kho, tiah KNG nih a langhter chap.
News & Photo: Kachin News Group