Kan nupi le pasal le lak ah zumhtlak mi si hi a biapi tuk mi a si i , zumhtlak lo nun nih fale tiang an nun nak a hrawh chih khawh hna ti zong theih ah a tha. Hi hna nupa zong hi ai daw tuk mi nupa an si ko nain harsat nak tampi zong an mah nupa i zuam nak te in tampi an tei khawh cang . an pa zong hi a nupi cung ah an i umh ka in zumhtlak lo in voikhat hmanh a um bal mi a si lo . a nupi theih ah nungak dang kong hmanh  a chim bal lo mi a si .

A rian tuan nak zong ah nu pawl nih an komh duh hmanh ah an kom khawh mi a si bal lo.cu ca ah a nupi zong nih cun azumh tu mi a si ve . Cu ti cun caan a liam i nau an van ngei i inn lei ah a nupi a buaituk a hmuh tik ah a nupi a dawt tuk caah a mah bawmtu ding ah  sin um pakhat in kan lak lai ti ah a nupi cu a ceihpi i a nupi zong nih cun aw si ee atha ko tiah a leh ve i sin um pakhat cu an lak .

sin um nungak an ngeih hnu cun an nu nih cun an pa um ning a ngiat tik ah a dik lo ti a theih i a lunghrin pah caah  a thli tein an pa nun ning cu theih fian ai zuam i an pa cu lunghrinh awk a rak si tak tak kha a hmuh chuak .Nikhat cu an pa kha a rian in tuan deuh ah a rak lawi i room chung ah a lut colh . a nupi nih cun an pa thawngpang cu a ngeih tik ah i hman hmawh deuh  kan nu sin ah cun tu ni cu kan sin um nu an inn lei ah a va lawi ta tiah ka rak chimh te ko lai , aww nan nu a um bu zong in a poi nak  um tung lo ti mi an pa aw le an sin um nu an bia cu a thli te in a theih .

An nu nih cun a hnu ah an sin um nu cu a mah lawng tha tein a auh i kan pa hi kan pek lai zeimanh na thinphang duh hlah ti ah a ti i an sin um nu cu a lau taktak . an sin um nu le an pa nih cun a nupi cu ngeih thiam an hal chih i an mah pahnih tu cu nangmah ruang ah a si tiah heh tiah an i mawh chiat ve . an nu cu a thinlung fak tuk ko nain dai tein a um i bia tampia chim lem lo . voikhat zumh a tlak ti lo mi pa cu  zungzal ka pasal ding ah kan zum kho ti lo a ti i an pa cu a then lawlaw .

An  pa le an sin um nu cu a hnu zong ah an i um thai ve fawn lo i an nun nak cu sullam ngei lo ah a cang thai . kan nupi le pasal le cung ah zumhtlak nak hi fale ca tiang in thla chuah a si i , zumhtlak lo nak zong hi fale ca tiang ah ngaktah le khua awng tong lo tiang ah an cang kho . cu ca cun na nun kha i ralring law tu ni hi hmangthiam lawna thaizing kha veng thiam . cu ti cun na chungkhar ah lomhnak na chuahpi lai i pumpak in mi upat mi zong na si lai . Ref : Dailymail