Tu lio kan lai hla ah a lar bakmi mi thinlung ah bia a chimmi ngai mi cu PATHIAN SINAH KA CHEMH LAI timi John LSL nih phuahmi hla hi a si. Hi hla a sa hmasa bik tu cu lai hlasakthiam Isreal VSL hi a si. 2015 kum i tilian ruangah harsaknak a tongmi hna chungkhar bomhnak caah an rak tuahmi resettlement concert ah a rak sakmi si.

A hlabia hi hngakchia pate nih a tonmi thil hmangin phuahmi le sakmi a si tiah lai hlasakthiam Isreal nih mipi sin ah a chimmi si. 2012 kum Syria ram buainak ah hngakchia pate i a chungkhar hna cu bomd in an puah hnawh hna i a chungkhar dang cu an thi dih .Amah zong hi a dam hnga hme maw tiah rak ruahmi a si.

Sihmanhseh law sii zungah an va kal pi i duh sah tein thatlei a hungpanh. A dam pah hnu i sii zungah sii bawi te sinah a chimmi cu ka thin tonmi vialte hi van ka phak tikah pathian sinah ka chim dih te ko lai tiah sii bawi te sinah a rak chim. Hi hngakchia pa te nih a tonmi thil hi a fak taktak. Sihmanhseh law pathian ai bochan pathian thawngin zeipaoh ka tuar khawh ko lai ti lungput a ngei zohchun awk tlak taktakmi hngakchia pa te si.

Hi hla a phuah tu a sa tu hrimhrim hi an thiam taktak. Mi tam pi nih hi hngakchia pa hmangin siseh hi hla hmang zongin thazaang rak la ve hna usih tiah thazaang pek kan duh hna.A rel tu nan cung ah kan i lawm