Zualko: Update Awktlak Bik Asimi Nusaltha Nih Ram Le Miphun Caah A Nunnak A Pek - TIMES OF CHIN NEWS

Zualko: Update Awktlak Bik Asimi Nusaltha Nih Ram Le Miphun Caah A Nunnak A Pek

Ralhmai a suang mi pasalttha hna a va thlop tu Si lei thiam mi nu ralkap pakhat cu a kir lei ah ruah loin mine bomb ai lamh sual caah a nunnak liam tiah theih a si. Demoso khuapi peng kahdohnak ah hliam a tuar mi PDF pasalttha hna a va thlop tu PDF nu ralkap pakhat cu a kir lei ah mine bomb nih a puah hnawh hna ruangah a nunnak a liam tiah PDF ralkap pakhat nih a chim.

A nih hin rian bang in a va kal ve, a kir lei ah a upa he cycle an i phirh. Lampi ah mine bomb an i lamh sual caah a hmun ah a thi colh. SAC ralhrang pawl nih a do mi bomb a si. A upa tu cu hliam hma fak ngai a tuar” tiah a chim. A nunnak a liam mi nu hi kum 18 upa Nu Jeramy Na a si. Tuzing sml 7 ah Khrihfa phung ning tein an vui. Amah he ai hliam mi pa zong a himnak hmun ah chiah a si cang tiah theih a si.Credit:S.Milam Media

Ralram ah ai hliam mi pawl a thlop tu Si lei ralkap nu pakhat a tlun lei ah bomb lam sualnak in a nunnak liam – Suimilam Media

Thawngpang tha: SAC ralhrang lei ah a ttang mi khua bawi pa le Pyu Saw Htee pa cu PDF pasalttha hna nih an fimthlawm hna tiah theih a si. Taung Tha khuapi peng Kyauk Pone khua ah khuabawi a ttuan mi cu PDF pasalttha hna nih a inn ah an luh hnawh i an kah thah. Cun Pyu Saw Htee training a kai mi pa tu cu a dailen lio ah an va kah ve tiah an langhter.

“Khuabawi pa thah balte hi a har ngai, a inn ah ngakchia pakhat a um ve ruangah harsa ngai in kan kah thah. Pyu Saw Htee training a kai mi Win Saw Ko timi pa hi cu zing thawh ka adailen lio ah kan va kah thah” tiah mizapi ralkap TTA in ttuanvo ngeitu pakhat nih a chim.

Mi kan i palh sual lai tiah kan i ralring ngaingai. A inn hi tlakrawh inn a si caah meithal kuan nih a dal fawn lo. ASinain innka a khar lio ah kan kah caah a ril colh ve ko” tiah a chim chap. Khuabawi pa hi mei man a khawltu, CDM a tuah mi hna zong a report hna. Voi tampi ralrinnak kan pek cang mi a si. Na rian in i phuak ti tiang in ralrinnak kan pek lengmang mi a si tiah a chim chap

error: Content is protected !!