Thawngthar : Timit Raldohnak Kongah CNA/CDF An Dai Rihnak A Ruang Le An Hmui Timh - TIMES OF CHIN NEWS

Thawngthar : Timit Raldohnak Kongah CNA/CDF An Dai Rihnak A Ruang Le An Hmui Timh

Timit ah raldo a cuahmah mi kan ralkap hna nih zeibantuk in dah Timit hlei a don cuahmah mi ralhrang hna hi doh dingin timh hlam nak an ngeih timi hi Mizapi nih a detail in kan theih lo asi ahcun kan mawchiat hna awk asilo. Zei ruangah dah Hlei an donh cuahmah ko mi cu an zoh sawhsawh hna tiah a phunzai leng mi mipi kan um cang. Asinain mipi ralkap nih tutang an itimh mi cu Ralkap minung pakhat thah sawhsawh lawng in an itimh tilo.

Myanmar army kills 25 in Rohingya villages - BBC News

Kan mipi ralkap nih an itimh mi cu Ralhrang pakhat thah ah a cawvaa tamlak tein thah chih tiang an izuam cang. Hi Hlei donnak caah thilri a herh mi Timit a phan dih naisai rihlo, cu ruangah cun an dai rihnak asi tihi mipi nih kan ii fiang a herh. Lei donnak caa a herh mi an thilri a phan dih in mipi ralkap nih an phomh te hna lai ii, a miak tampi he hlawhtling nak kan hmuh te lai. PATHIAN sin tu ah Mipi ralkap hna caah thlacam bawmh ko hna usih.

Tatmadaw: Myanmar's notoriously brutal military - BBC News

Relchap: Saigain ramthen ah SAC le PDF phufonh Karlak kahdohnak a fak ruangah  SAC nih Jet Fighter tiang an hman ruangah Sianginn a kai lio mi siang Hngakchia pa 12 an thi pingah hliamtuar mi an tam tiah GSCB nih an langhter. Cun ralhrang nih zaam kho lo in Siang hngakchia le Saya Sayamah te minung 20 zong an tlaih hna tiah an lanhter fawn.Tlaih a ton mi hna Saya Sayamah te Sianghngakchia pawl zong an nunnak caah tih a nung ngaingai ko tiah GSCB nih an langhter.

A hlan lio Thai ram lungkua chungah a tlau mi Thai hngakchia hna cu Vawleipi theih in FB ah an post-zaam piak hna ii, Vawleicung rampi hmanh nih bawmhnak tam lak a rak pek ko. Sihmansehlaw tutang kan kawlram buainak ruangah hngakchia a thimi hi an tlawmhrim tilo, asinain nihin nitiang cutluk ngai in Vawleipi level in bawmhnak a um lo ti zong in GSCB nih an ruahnak an langhter  chih. Source: GSCB

Thawngpang dang: Sagaing ramṭhen Taze peng chungah ni 6 chungah khuate 12 ah voi 15 tiang meikhangh piak kan ton pinah tualchungmi 10 meikhanghnak in an thah hna tiah mipi ukhruainak phu nih cathanh an chuah.

SAC ralkap pawl cu September ni 17 in 22, ni 6 chungah Taze peng khuate hna ah lut in, inn khangh, tualchungmi tlaih i ralphaw ah kalpi le thah tihi nitin ngawt in an tuah theih a si.

SAC ralkap pawl cu Taze peng chungah hin a hlannak in rallam an sial caah khuate 30 in tualchungmi minung 17000 hrawng cu a himnak ah ral an zaam hna tiah theih a si.

error: Content is protected !!