Mitlau Kawlnak. Chin ramkulh, Matupi peng Waytu(ဝေတူး) khua in Mizoram ramkulh, Aizawl District, Sihmui ralhrial camp ah a ummi Nu Saṭi (kum23) cu faar a kawlnak ah a tlau beh i a hmumi nan um a si ahcun amah a umnak ralhrial camp ah pehtlaih dingin bawmhhalnak an tuah.

Thawngpang dang: Chin ramkulh, Matupi peng CDF-Matupi hmunram chungah Non-CDM um lo ding in September 22-25 tiang khuate lei ah CDF-Matupi Brigadier le a kuttang ralkap pawl cu an tlawng i, khuami hna he biaruahnak an ngei, tiah CDF-Matupi nih cathanh an chuah. Brigadier nih Non-CDM pawl cu SAC ralkap an rianhma a kal khawhnak dingah bawmtu an si i, CDF-Matupi nih a uk penmi hmunram chungah Non-CDM tam deuh cu sianginn cachim an si.

Atu thok in SAC kuttang rianhma a kal lo dingah CDM tuah ding in ralrin peknak bia a chim, tiah theih a si. Cu pinah Brigadier nih Non-CDM pawl cu SAC kuttang ah rian nan ṭuan rih a si ahcun CDF-Matupi nih ralrinnak an pek cangmi hna ning in a fak bik dantatnak kan in pek hna lai, tiah a chim.