Russia ram President Putin nih a hnubik a komh mi a nungaknu cu nau thlak a fial tiah The Mirror nih a ttial. Kum 39 upa a si mi Alina Kabaeva timi nu le President Putin cu kan hnung deuh ah cun hmunkhat ah an van lang tti nain nai hrawng cun a nungaknu Alina Kabaeva cu mizapi hmuh ah a chuak duh bak ti lo.
A liamcia May thla ah khan Alina Kabaeva cu President Putin fa a pawi tiah thawng a rak thang bal cang. Asinain a fa pawi lio mi hi nu le pa si a rak i fiang rih lo. Atu cu an fa te hi Nu a si tiah theih a si hnu President Putin a lungawi kho ti lo tiah an langhter.
President Putin nih cun tu lio hna i fa pawi cu a caan a si rih lo, timh tuah fa asiloah duh mi fa a si lo tiah a ruah caah an pahnih karlak ah pehtlaihnak a cat colh ve. Cucaah August thla dih lai ahcun President Putin nih cun Alina cu nau thah a fial. Asinain zarh 20 leng a si cang mi nau te thahnak kongah zei hmanh theih mi a um ti lo.
President Putin nawlpeknak ruangah Ukraine ram ah nu le ngakchia tampi nunnak a liam, cu ve bantuk in Putin nih cun amah chung khar cung zong ah tuah ai tim tiah an langhter chap. President Putin le Alina nih hin tutan an fa lawng hi siloin fapa pahnih a thli thup in an ngei cang tiah Media cheukhat nih cun an langhter.
Thawngpang dang Yesaygo-PDF training peknak camp ralhrang nih an luh hnawh i an khangh. Hi camp an khangh mi hi a phaisa man in Sing 500 man hrawng a si lai. Cu a kang mi hna cu Mawtaw pakhat telh in thilri tampi a si. Asinnain pasalttha hna cu a himnak hmun ah an zaam manh tiah an langhter
Sagaing ramṭhen ah umhmun khuarmi National People Defence Force – NPDF cu SAC ralkap dohnak dingah hriamngan kan ngeih lo caah dohthlennak ah kan i din cang, tiah fianternak an tuah tiah theih a si.
National People Defence Force – NPDF cu SAC nih nawlngeihnak a lak hnu in SAC ralkap le NPDF karah voi 5 lawng kahdohnak a chuak, tiah theih a si. NPDF hruaitu bawino Thu Rein nih, “Dohthlennak chungah hriamnam le minung thazaang kan chambau tuk ruangah ralkap hna hi kahdohnak hmun ah ka thlah ti hna lo. A ruang cu hriamnam loin ralram ah thih ding ka siang hna lo,” tiah a chim.Credit:Thechinpost