R I P . CDF Matupi Chungtel Pasaltha Salai Lian Thang A Nunnak Liam - TIMES OF CHIN NEWS

R I P . CDF Matupi Chungtel Pasaltha Salai Lian Thang A Nunnak Liam

Lawngtlai Ah CDF Matupi Chungtel Salai Lian Thang A Nunnak Liam .Lawngtlai khaulipi Vengpui ah ai dormi, East Lairam, Matupi pengkomh, Mitu khua, Lawngtlai Vengpui Pu C. Lalneihkhuma inn hlang mi, Salai Lian Thang kum 32 cu 24 Zing zinglei suimilaam 4:45am ah a nunnak a liam.

May be an image of 5 people, people standing, military uniform, balloon and outdoors

A ruak hi chun suimilaam 11:00am ah, khual thlanhmun No.3 ah vui a si lai. Salai Lian Thang hi Chinland Defense Force Matupi chungtel a si i, caan karlak a dinh lio caan ah tu bantukin a nunnak a liam hi a si.Credit to The Lairam Times

Thawngpang dang: Chin ramkulh, Mindat pengah SAC ralkap nih September 20 zanlei sml 3:30 hrawngah ralhrial an umnak ah vanlawng in bomb an thlak, tiah CDF Mindat nih cathanh an chuah.

Mindat peng ah ralhrial an umnak le khuate ah SAC ralkap nih Jet Fighter in timh ciammam tein bomb an thlak. Hliamhma pumi an um lo nain ralhrial mi hna cu an umnak hmun in kadang ah an i ṭhial. Khuate mi hna zong a himnak hmun ah an zam. Khuami hna cu khualtlawn zong an ngamh ti lo,” tiah Mindat khuami pakhat nih a chim.

SAC ralkap nih Jet Fighter hmangin Mindat peng Shisadu khua le Phukhayu khua karah khualtlawng mi an umkalnak lam ah bomb an thlak ko nain hliamhma pumi an um lo, tiah an langhter.

SAC ralkap nih mizapi an umnak ah vanlawng hmang in bomb an thlakmi le thilman fawi tein an zuarmi duh lo langhternak caah CDF Mindat Comando ralkap nih operation 3 kan tuah, tiah CDF Mindat nih cathanh an rak chuah.

Mindat khua hrambunh Khah Lah Yah 274 nih hriamngan an kah caah Mindat peng khuate cheukhat ah hriamngan kuan a tla i, khuami inn le lo tampi a rawk, tiah tualchung mi hna nih an chim.

error: Content is protected !!